Sôphôni 3:20 - Sră Goh 2018

²⁰ Tòm tŭ hơ̆, añ rơp pơjum tơrgòm ai wơl, tòm tŭ hơ̆ Añ rơp cèng ai rê hìu. Añ rơp lơh ai in geh tiơng pơnro mơ geh jòng ro digùl jơh ală làng bol tòm plai ù, tòm tŭ Añ brê wơl ală cau neh kong kup pơrdô ai dê ơm di đap mat ai.” Yàng Jehôwa đơs behơ̆.

Sôphôni 3:20 ပူးပေါင်းရင်းမြစ်များ

Đơs Crih 35:6

Lòi gùng bol khai dê gơlik jơngo mơ ntiar, Mơ gơs cau gơnrơh Yàng Jehôwa dê ting jat bol khai!

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Esai 60:15

Bulah mê neh kong sang lòi mơ gơjrañ kơuềng, ò gơs cau lơi lòt gan di mê; Añ rơp lơh mê in geh ryŭ ryơm gam sùm sùm, mơ dô bơta hòn chò bơh rài do tus rài ne in.

Esai 61:9

Jơi bơtiàn bol khai dê rơp geh tiơng pơnro digùl ală lơgar, mơ kòn sau bol khai dê rơp geh cau git digùl ală làng bol. Jơh ală cau lơi gŏ bol khai gen rơp đal git bol khai la dô jơi bơtiàn neh geh Yàng Tom Trồ ai lơngai.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Esai 62:7

Bañ lòi Kơnràñ ơm rlô jơl tus di tŭ Kơnràñ neh bơt bơtào wơl Jerusalem mơ lơh gơ in gơlik gơs bơta tiơng pơnro làm plai ù.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Ejekiel 16:53

Bulah behơ̆, Añ rơp bơtào wơl sre brê Sôdôm mơ ală kòn ùr khai in, Samari mơ ală kòn ùr khai in, mơ sre brê ai dê bal mơ bol khai,

Ejekiel 28:25

Jehôwa Yàng Tom Trồ đơs be do: “Tòm tŭ Añ pơjum tơrgòm hìu Israel bơh digùl ală làng bol mơ bol khai neh kong gơprah gơpring, gen Añ neh yal tơlik bơta sàng goh Añ jê digùl bol khai di đap ală làng bol. Behơ̆, bol khai rơp ơm tòm ù tòm bol khai dê mơ Añ neh ai cau duh broă Añ in la Jakôp.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 37:12

Behơ̆, đơs hwơr tĕ mơ đơs mơ bol khai lah: ‘Jehôwa Yàng Tom Trồ đơs lah: Ơ làng bol Añ jê, Añ rơp pò ală bơtô ƀồc bol mê dê, mơ cèng tơngguh bol mê bơh di tiah hơ̆; Añ rơp cèng bol mê rê wơl tòm lơgar Israel.

Ejekiel 37:21

mơ đơs mơ bol khai lah: Jehôwa Yàng Tom Trồ đơs be do: ‘Añ rơp tă tơlik kòn sau Israel bơh digùl ală lơgar mơ bol khai neh lòt tus. Añ rơp pơjum tơrgòm bol khai bơh di jơh ală tiah gùt dar, mơ cèng bol khai rê wơl tòm lơgar tòm bol khai dê.

Ejekiel 39:13

Jơh làng bol tòm lơgar rơp tơp ƀồc bol khai; mơ gơ rơp cèng bol khai in bơta màng ryŭ tòm ngai mơ Añ ràng tơlik bơta gơklŏ Añ jê, Jehôwa Yàng Tom Trồ đơs behơ̆.

Ejekiel 39:28

Gen bol khai rơp git Añ la Jehôwa Yàng Tom Trồ bol khai dê, tài bơh Añ neh cèng pơrdô bol khai tơmut digùl ală lơgar, mơ Añ rơp pơjum tơrgòm bol khai tòm lơgar tòm bol khai dê. Añ rơp ò sang lòi dô nă cau lơi tòm bol khai bơh ngkòi.

Jôel 3:1

“Behơ̆ gen, tòm ală ngai hơ̆ mơ tòm tŭ hơ̆, Añ rơp cèng brê wơl ală cau gơkòl kup cèng Juda mơ Jerusalem dê,

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Sôphôni 2:7

Tiah di gah dàlềng rơp gơrê bal mơ ală cau gam wơl hìu Juda dê; tềng hơ̆ bol khai ê mpồl belàt, tòm trồ mang bol khai rơp bic rlô tòm ală hìu Askalôn dê. Bơh Jehôwa Yàng Tom Trồ bol khai dê rơp kơlôi rcang bol khai in, Kơnràñ rơp cèng brê wơl ală cau kong pơrdô bol khai dê.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Malaci 3:12

“Gen jơh ală làng bol rơp kòp bol mê la gơs lơngai, bơh bol mê rơp la dô nơm lơgar hòn chò hừh hơh,” Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 26:18

Mơ Yàng Jehôwa neh yal tơlik tòm ngai do lah bol mê la làng bol Kơnràñ dê, la phan màng gơrê bal mơ Kơnràñ tòm toh jat be jơnau Kơnràñ neh ho bal, mơ bol mê pal prap gàr lơh jat jơh ală jơnau sồr Kơnràñ dê.

Yal Wơl 26:19

Kơnràñ neh yal tơlik lah Kơnràñ rơp lơh bol mê in geh jòng ro, geh tiơng pơnro mơ geh ki ngàm hơđang rlau mơ jơh ală làng bol mơ Kơnràñ neh lơh gơs, mơ bol mê rơp la dô nơm làng bol sàng goh Jehôwa Yàng Tom Trồ bol mê in tòm toh be Kơnràñ neh ho pơgon.