Sôphôni 3:2 - Sră Goh 2018

² Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Sôphôni 3:2 ပူးပေါင်းရင်းမြစ်များ

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Đơs Crih 50:17

Bơh mê gơjrañ kơuềng di bơta lơh glài tơmàl, Ală jơnau đơs Añ jê mê sang lòi đah ngkòi mê dê.

Đơs Crih 73:28

Mơya đah mơ añ, niam añ in ơm rềp mơ Yàng Tom Trồ; Añ neh bơtào Yàng Jehôwa la tiah kìng crŭ añ jê, Nàng añ yal wơl bơh jơh ală broă Kơnràñ dê.

Đơs Crih 78:22

Tài bơh bol khai ò gơs bơta dòn di Yàng Tom Trồ, Kung ò dòn kơnòm di gơnap gơnoar dong klàs Kơnràñ dê.

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Jơnau Pơnđik 5:12

Mơ kòn đơs lah: “Ôih, ñchi bơh tài añ gơjrañ di bơta lơh glài tơmàl, Mơ nùs añ sền òsơp di bơta lah pơrhơng taih?

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 43:22

Mơya, ơ Jakôp, mê neh ò hòi dan mơ Añ, Ơ Israel, mê neh kong bòl glar să tòm mê dê Añ in.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Jeremi 13:25

Yàng Jehôwa đơs: “Hơ̆ la pơnah ai dê, Pơnah Añ was ai in, Yàng Jehôwa đơs behơ̆. Bơh ai neh hŭi Añ, Mơ dòn kơnòm di yàng blac pơrlồm.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 22:21

Añ neh đơs mơ mê tòm tŭ mê ơm tòm bơta bơtoah bơtoài; mơya mê đơs lah: ‘Añ ò bài iat.’ Do la gùng dà mê bơh tŭ kơnòm să, Mê neh ò dòn jơnau Añ.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Jeremi 35:13

“Yàng Jehôwa Gơnap Gơnoar, Yàng Tom Trồ Israel dê, đơs be do: Lòt tĕ, đơs mơ cau Juda mơ làng bol Jerusalem lah: Yàng Jehôwa đơs: ‘Bol mê ò bài bơtê, mơ ò bài iat jơnau Añ ơ?

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Ejekiel 22:24

“Ơ kòn mơnus, đơs tĕ mơ lơgar lah: ‘Ai la lơgar ò geh rào goh hala geh mìu tòm ngai gơjrañ dờng.

Ejekiel 24:13

Tòm tŭ Añ neh kòñ rào ai bơh bơta tồi glài rềs àr dri tơlàr ai dê, mơya ai ò gơs goh bơh di ală bơta ƀơ̆ ƀơl ai dê, ai rơp ò tai geh lơh goh jơl tus di tŭ lơi Añ neh rài bơta gơjrañ dờng Añ jê gơwèt mơ ai.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

II Timôthe 3:16

Jơh Sră Goh neh geh Yàng Tom Trồ khồm nhơm, mơ gơs kwơ nàng bơto sồr, bơto tơnggit, pơniam wơl, bơto cau tòm bơta song ring,

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.