Sôphôni 3:19 - Sră Goh 2018

¹⁹ Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Sôphôni 3:19 ပူးပေါင်းရင်းမြစ်များ

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Esai 60:18

Bơta jàñ bơsak rơp ò gam kơno tai tòm lơgar mê dê, mơ bơta phà tơrlah hala bơta tơnroh kung rơp ò tai gơlik tus tòm nhàr lơgar mê dê, mơya mê rơp sơnđan ală dơrñang mê dê la “Bơta Dong Klàs” mơ ală mpồng dờng mê dê la “Bơta Jòng Ro.”

Esai 61:7

Tài bơh bơta ƀàssìl bol khai dê bàr dơ̆ rlau, mơ bơta sền òsơp geh yal tơnggit be pơnah tă khà bol khai dê; Gen tàng làng bol Añ jê rơp dòp geh bàr pơnah phan mơna bol khai dê, bol khai rơp geh bơta hòn chò gam sùm sùm.

Esai 62:7

Bañ lòi Kơnràñ ơm rlô jơl tus di tŭ Kơnràñ neh bơt bơtào wơl Jerusalem mơ lơh gơ in gơlik gơs bơta tiơng pơnro làm plai ù.

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 30:19

Bơta ưnngài rơp tus bơh di bol khai Mơ jơnau driau chò ală cau chò hòp dê. Añ rơp lơh bol khai gơlik bơtơl oă ngan, mơ bol khai rơp ò gơs dô êt. Añ kung rơp lơh bol khai geh dờng màng, ò gam kong sền òsơp tai.

Jeremi 31:8

Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Ejekiel 16:27

Behơ̆, Añ neh pò tê tòmdră mơ ai mơ pơndêt lơgar ai dê; Añ jào phi ai tòm bơta hàm hà cau sò tơm ai dê, hơ̆ la ală kòn ùr Philistin; bol khai neh ai lơh krơi bơh bơta lơh lòt gơlềng gơlàng ai dê.

Ejekiel 16:57

tòm tŭ bơta iơh bơsak ai dê òhềt ràng tơlik. Bulah behơ̆, tŭ do ai kong lah pơrhơng bơh di ală kòn ùr Edôm bal mơ jơh ală lơgar ơm gùt dar gơ, mơ ală kòn ùr Philistin sơl, hơ̆ la jơh ală lơgar ơm gùt dar ai sền òsơp di ai.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 39:13

Jơh làng bol tòm lơgar rơp tơp ƀồc bol khai; mơ gơ rơp cèng bol khai in bơta màng ryŭ tòm ngai mơ Añ ràng tơlik bơta gơklŏ Añ jê, Jehôwa Yàng Tom Trồ đơs behơ̆.

Ejekiel 39:26

Bol khai rơp hŭi bơta ƀàssìl ƀàsso bol khai dê mơ jơh ală bơta ò dòn song mơ bol khai neh gơwèt mơ Añ tòm tŭ bol khai ơm lơngap lơngai tòm lơgar bol khai dê, ò gơs cau lơi lơh bol khai in rngòt rngơt.

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Yal Wơl 26:19

Kơnràñ neh yal tơlik lah Kơnràñ rơp lơh bol mê in geh jòng ro, geh tiơng pơnro mơ geh ki ngàm hơđang rlau mơ jơh ală làng bol mơ Kơnràñ neh lơh gơs, mơ bol mê rơp la dô nơm làng bol sàng goh Jehôwa Yàng Tom Trồ bol mê in tòm toh be Kơnràñ neh ho pơgon.

Hebrơ 12:13

Lơh tĕ gùng song jơng oh mi in, nàng cau gơlte ò gơtup gơglih jơng, mơ geh sơmbòi la niam rlau.

Yal Tơlik 20:9

Bol khai guh làm ù tiah, gơrwàng theng ală cau sàng goh dê mơ ƀòn dờng kòñ gơboh. Mơya gơs ồs dùh bơh đang trồ mơ chu pơrguc bol khai.

Ală Kwang Cahrña 1:7

Gen Adôni Bejek đơs lah: “Poh jơt nă cau bơtau neh kong koh jơh ràs tê me mơ ràs jơng me, dòñ sa phan hơđơm cơnòng añ jê, Yàng Tom Trồ neh sal wơl bơta añ neh lơh.” Bol khai lam bơtau hơ̆ tus hơ Jerusalem mơ khai chơt tềng hơ̆.