Sôphôni 3:18 - Sră Goh 2018

¹⁸ Añ rơp tă sang bơh di ai ală bơta moat jrùng bơh ală ngai pơjum sa chò hòp; bơh hơ̆ ai rơp ò ơnòng kơnjơ̆ bơta lah pơrhơng.

Sôphôni 3:18 ပူးပေါင်းရင်းမြစ်များ

Đơs Crih 43:3

Dan Yàng tơlik bơta àng mơ jơnau song Kơnràñ dê; Lòi gơ lam añ, lòi gơ cèng añ tus hơ mơnơm sàng goh mơ tiah ơm Yàng dê.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Ñìm Rac 1:7

Tòm ală ngai jê sồt moat jrùng mơ nrah nring, Jerusalem kah wơl jơh ală phan màng mơ khai neh dòp geh tòm ngai yau òr; Tòm tŭ làng bol khai dê gơdùh tòm tê cau sò tơm, mơ ò gơs cau lơi tus dong kòl khai. Cau sò tơm sền gŏ, dơñŏ tơnhial dê bơta tơrlah tơrlơm khai dê!

Ejekiel 34:13

Añ rơp cèng bol gơlik bơh di ală làng bol mơ tơrgòm bol gơ bơh ală lơgar, mơ Añ rơp cèng bol gơrê wơl tòm lơgar tòm bol gơ dê. Añ rơp siam bol gơ hơđang ală mơnơm Israel dê, tòm ală croh dà, mơ tòm jơh ală tiah gơs làng bol ơm tòm lơgar.

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Sră Ôse 1:11

Làng bol Juda mơ làng bol Israel rơp geh tơrgòm dô bă bal, bol khai rơp pồ bơtào mìng dô nă cau kwang at bồ; bol khai rơp dòp sre brê bơh ù tiah do, bơh ngai Jejreel dê rơp la ngai dờng.”

Sră Ôse 9:5

Ñchi bol mê rơp lơh tòm ngai neh lơh nền bơta pơjum sa dê, mơ tòm ngai bơta pơjum sa Yàng Jehôwa dê taih?

Sôphôni 3:20

Tòm tŭ hơ̆, añ rơp pơjum tơrgòm ai wơl, tòm tŭ hơ̆ Añ rơp cèng ai rê hìu. Añ rơp lơh ai in geh tiơng pơnro mơ geh jòng ro digùl jơh ală làng bol tòm plai ù, tòm tŭ Añ brê wơl ală cau neh kong kup pơrdô ai dê ơm di đap mat ai.” Yàng Jehôwa đơs behơ̆.