Sôphôni 3:17 - Sră Goh 2018

¹⁷ Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sôphôni 3:17 ပူးပေါင်းရင်းမြစ်များ

Sơnròp Gơlik Gơs 1:31

Yàng Tom Trồ gŏ ală broă Kơnràñ neh lơh la niam ngan. Behơ̆ gơs mho mơ drim: hơ̆ la ngai prau.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 18:14

Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sơnròp Gơlik Gơs 2:2

Ngai poh Yàng Tom Trồ neh lơh sir ală broă Kơnràñ neh lơh, mơ ngai poh Kơnràñ rlô.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 149:4

Bơh Yàng Jehôwa niam nùs di làng bol Kơnràñ dê; Kơnràñ bơka cau pơndêt să in mơ bơta pha lin.

Đơs Crih 78:65

Gen Yàng kah rngal bơh bơta bic, Ò gơkrơi be cau pràn kơldang driau dờng tài bơh tơrnòm.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 18:4

Bơh do la jơnau Yàng Jehôwa đơs mơ añ: “Añ rơp ơm mŏ mŏ mơ sền bơh di tiah Añ ơm, kung be bơta duh mattơngai pơnđàng, be mhwal dà tŭ bơta duh kơnhai toès dê.

Esai 63:1

Cau do la ñcau mơ tus bơh Edôm, bơh Bôjra, soh ào ñòm dà pơrhê taih? Cau do la ñcau mơ soh ào jrùh ryŭ ryơm, ai gơnoar pràn dờng khai dê mơ cơnđòa khin cha taih? “Hơ̆ la să tòm Añ, la Bơtau đơs bơta song ring, gơs gơnoar pràn nàng dong klàs.”

Esai 63:12

La Bơtau neh lơh tơwòr tê gơklŏ Kơnràñ dê, cơnđòa lòt đah ma Môise dê. La Bơtau neh cah dàlềng di đap bol khai, Nàng lơh sơnđan Kơnràñ dê gam sùm sùm;

Esai 65:19

Añ rơp hòn chò tòm Jerusalem, mơ rơp chò hòp tòm làng bol Añ jê; tềng hơ̆ rơp ò gam kơno jơnau ñìm rac hala jơnau driau dờng tai.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 32:41

Añ rơp chò hòp mơ ai lơngai bol khai in, mơ Añ rơp tam bol khai tòm lơgar do tòm bơta dòn song, mơ jơh nùs jơh hwềng soàn Añ jê.’

Sră Ôse 14:4

Añ rơp sơmbòi bơta ò dòn song bol khai dê, Añ rơp kòñ gơboh dê bol khai jơh nùs; bơh bơta gơjrañ Añ jê neh pơrlac bơh di bol khai.

Jôel 2:21

Ơ ù tiah, bañ rngòt; chò hòp mơ hòn chò tĕ. Bơh Yàng Jehôwa neh lơh ală broă dờng.

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Khà Làng Bol 14:8

Dilah Yàng Jehôwa niam nùs wèt mơ bol he, Kơnràñ rơp lam bol he mut tòm lơgar hơ̆ la lơgar bềng lìu dà toh mơ dà lơwe, mơ Kơnràñ rơp ai lơgar hơ̆ bol he in.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Yal Wơl 23:15

Dilah dô nă cau dĭ dô pồn tòm hìu bol mê gen bañ jào khai wơl mơ cau tòm khai dê.

Yal Wơl 30:9

gen Jehôwa Yàng Tom Trồ bol mê dê rơp lơh bol mê in geh pas gơs tơngkah tơngkañ rlau tai tòm jơh ală broă tê bol mê lơh mơ ală plai đo hìu kòn bol mê dê, ală kòn phan poan jơng bol mê dê mơ ală plai đo ù tiah bol mê dê. Yàng Jehôwa rơp hừh nùs lơh pas sơm oh mi in tai be Kơnràñ neh hừh nùs lơh pas sơm ồng pàng bol mê in,

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.