Sôphôni 3:14 - Sră Goh 2018

¹⁴ Ơ Kòn ùr Siôn, đơs chò dờng tĕ! Ơ Israel, driau dờng tĕ! Ơ Kòn ùr Jerusalem, jơh nùs tĕ chò hòp mơ hòn chò.

Sôphôni 3:14 ပူးပေါင်းရင်းမြစ်များ

Nehemi 12:43

Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

Đơs Crih 14:7

Ôih! Kơp kòñ bơta dong klàs cau Israel dê rơp tus bơh Siôn! Tòm tŭ Yàng Jehôwa lam làng bol Kơnràñ dê bơh tiah kong kup cèng, Gen Jakôp rơp hòn chò mơ Israel chò hòp.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 97:8

Ơ Yàng Tom Trồ, tài bơh bơta cahrña Kơnràñ dê, Siôn kơno gen chò hòp; mơ ală kòn ùr Juda dê hòn chò.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 37:22

gen do la jơnau Yàng Jehôwa neh đơs tòmdră mơ khai: ‘Cau ơruh dềt Siôn dê sền òsơp mơ dơñŏ tơnhial di mê. Kòn ùr Jerusalem rơnggô bồ bơh ngkòi mê.

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Esai 40:9

Mê guh tĕ hơđang mơnơm jơnhoa. Ơ Siôn, Mê la cau cèng jơnau niam, ai tĕ jơh pràn tơngguh sap đơs mê dê! Ơ Jerusalem yal tĕ jơnau niam, driau dờng tĕ, bañ rngòt! Đơs tĕ mơ ală ƀòn dờng Juda dê lah: “Do la Yàng Tom Trồ bol mê dê!”

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Esai 52:9

Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Jeremi 30:19

Bơta ưnngài rơp tus bơh di bol khai Mơ jơnau driau chò ală cau chò hòp dê. Añ rơp lơh bol khai gơlik bơtơl oă ngan, mơ bol khai rơp ò gơs dô êt. Añ kung rơp lơh bol khai geh dờng màng, ò gam kong sền òsơp tai.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Mice 4:8

Ai đah mơ mê, ơ theng jòng kơp gàr mpồl dê, ơ dòr Kòn ùr Siôn dê; gơ rơp tus hơ mê; gơnoar at bồ yau òr rơp geh pồ bơtào wơl, gơnoar at bồ hơđang rlau jơh rơp tus hơ Kòn ùr Jerusalem dê.”

Mathiơ 21:9

Mpồl làng bol cau ƀà lòt lài, cau ƀà jat tơnơ̆ driau dờng lah: “Hôsana, Kòn Dabit. Lơngai Bơtau ai sơnđan Yàng mơ tus. Hôsana hơđang jòng rlau jơh.”