Sôphôni 3:11 - Sră Goh 2018

¹¹ Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sôphôni 3:11 ပူးပေါင်းရင်းမြစ်များ

Đơs Crih 131:1

Ơ Yàng Jehôwa, nùs añ ò yò tơngguh, Mat añ ò tơnggòr jơnhoa ir, Añ ò jòi să tòm añ in ală broă dờng ir, hala ală broă krơi is ir añ in.

Đơs Crih 49:5

Ñchi bơh tài añ pal rngòt tòm ngai bòl glar, Tòm tŭ bơta tồi glài iơh bơsak ală cau rồn bơklơn gơrwàng gùt dar añ taih?

Đơs Crih 59:12

Tài bơh tồi glài bơr bol khai dê, hơ̆ la jơnau tòm sơndồi bol khai dê, Lòi bol khai kòl kup tòm bơta pơnhừ să bol khai dê, Tài bơh bơta srat rma mơ bơta blac bol khai đơs,

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 5:15

Behơ̆ kòn mơnus rơp kong tơmù; jơh tơl nă rơp kong tơnliah, gar mat cau pơnhừ să rơp kong tơmù.

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Esai 61:7

Tài bơh bơta ƀàssìl bol khai dê bàr dơ̆ rlau, mơ bơta sền òsơp geh yal tơnggit be pơnah tă khà bol khai dê; Gen tàng làng bol Añ jê rơp dòp geh bàr pơnah phan mơna bol khai dê, bol khai rơp geh bơta hòn chò gam sùm sùm.

Jeremi 13:9

Yàng Jehôwa đơs be do: “Añ rơp lơh roh bơta pơnhừ să Juda dê, mơ bơta pơnhừ să dờng Jerusalem dê.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Ejekiel 20:40

Jehôwa Yàng Tom Trồ đơs lah: ‘Bơh hơđang mơnơm sàng goh Añ jê, mơnơm jơnhoa Israel dê, tềng hơ̆ jơh hìu Israel rơp duh broă Añ, mơ tềng hơ̆ Añ rơp dòp bol khai. Tềng hơ̆ Añ rơp lùp pơnah phan pal ơn bol mê dê mơ ală plai bồ sơnam ơn duh khoai bol mê dê, bal mơ jơh ală phan ơn sàng goh bol mê dê.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Khà Làng Bol 16:3

Bol khai pơjum bal gơs dô mpồl tòmdră mơ Môise mơ Arôn mơ đơs mơ bol khai lah: “Ală ồng neh lòt sơrlèt ngài rlau ir mơ gơnoar at bồ ală ồng dê! Kòp nă cau tòm mpồl jơnum làng bol dê la sàng goh, mơ Yàng Jehôwa ơm bal mơ bol khai. Gen ñchi bơh tài ală ồng bơtào is să tòm hơđang mpồl jơnum Yàng Jehôwa dê taih?”

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Rôma 2:17

Ai mê, mê sơnđan is he la cau Juda, sơnđìng hơđang bơta boh lam, jòng să bơh Yàng Tom Trồ;

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

I Pier 2:6

Bơh Sră Goh neh cih lah: “Do, añ ơn tòm Siôn dô nơm pơnai lŭ bồ mum hìu neh geh sac rwah mơ màng ngan, Cau lơi dòn di lŭ hơ̆ rơp ò gơs ƀàssìl.”