Sôphôni 3:1 - Sră Goh 2018

¹ Bòl glar ngan ƀòn gơkòl lơh ƀơ̆ ƀơl in! Ƀòn dờng jak rồn bơklơn!

Sôphôni 3:1 ပူးပေါင်းရင်းမြစ်များ

Esai 30:12

Behơ̆ tàng, Bơtau Sàng Goh Israel dê đơs be do: “Tài bơh bol mê neh sang lòi jơnau do mơ kơnòm di bơta rồn bơklơn, mơ bơta blac pơrlồm, mơ dòn kơnòm di bol khai.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 59:6

Che blung bol khai dê ò rgơi tàñ gơs ồi ào, bol khai ò rgơi tơnsoh să tòm bol khai in mơ phan bol khai neh lơh gơs. Ală broă lơh bol khai dê la ală broă iơh rmơh, mơ lơh bơta rhung rhang tòm tê bol khai dê.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Jeremi 5:23

Mơya làng bol do gơs nùs kră kơldang mơ jak pơrlơ̆ dră, Jơh tơl nă dô pleh mơ lòt ngài.

Jeremi 6:6

Bơh Yàng Jehôwa Gơnap Gơnoar đơs be do: “Kơl tĕ ală chi khai dê; mơ bơt bơtào tiah gơrwàng tòmdră mơ Jerusalem! Do la ƀòn pal kong lơh glài; Digùl gơ ò gơs bơta lơi rlau mơ ală bơta rồn bơklơn.

Jeremi 6:7

Kung be tơrlung dà prap dà mrềt pa be lơi, Gen gơ kung prap ală bơta iơh bơsak pa behơ̆ sơl. Bơta iơh bơsak mơ bơta phà tơnroh geh kơno tòm hơ̆; Kòp jê mơ sồt rmàñ ơm sùm di đap Añ.

Ejekiel 22:29

Làng bol tòm lơgar òs sa kơrlơm mơ tìs glài ntung kơñau, bol khai rồn bơklơn cau rƀah lơòi mơ cau siơ̆u siar, mơ lơh ò di ò niam gơwèt mơ cau ơm tòp, ò lơh bơta song ring bol khai in.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Ejekiel 23:30

neh cèng tus bơta do ai in, tài bơh ai neh lơh dri mơ ală làng bol mơ lơh ƀơ̆ ƀơl să tòm ai dê bơh ală rùp ràk bol khai dê.

Lebi 1:16

Khai pal tă klung gơ bal mơ ală phan tòm dơlam klung gơ mơ sang jơh hơ đah mattơngai lik cơnòng duh khoai dê la tiah gơs bùh.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Sacari 7:10

Bañ rồn bơklơn cau ùr bơnrau mơ cau kòn đòi, cau ơm tòp mơ cau rƀah lơòi. Bañ kơlôi sơnơng bơta iơh gơwèt bal mơ gơp.’

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.