Sôphôni 2:8 - Sră Goh 2018

⁸ Añ neh kơno ală jơnau dơñŏ tơnhial Môap dê mơ ală jơnau lah sơrpah Ammôn dê, bol khai dơñŏ tơnhial làng bol Añ jê mơ jòng să bơh bơta tòmpìt ai lơgar làng bol Añ jê.

Sôphôni 2:8 ပူးပေါင်းရင်းမြစ်များ

Sơnròp Gơlik Gơs 19:37

Bi ùr deh dô nă kòn klau sơnđan la Môap, khai la ồng pàng làng bol Môap dê tus dê ngai do.

Sơnròp Gơlik Gơs 19:38

Oh ùr kung deh dô nă kòn klau sơnđan la Ben Ammi, khai la ồng pàng làng bol Ammôn dê jơl tus dê ngai do.

Esai 15:1

Jơnau đơs hwơr bơh Môap: Tài bơh Ar neh tơrlah tơrling tòm dô mang, Môap òhềt bơt sir! Tài bơh Kir neh tơrlah tơrlơm tòm dô mang, Môap òhềt bơt sir!

Esai 16:6

Bol he neh kơno bơh bơta pơnhừ să Môap dê, bơta pơnhừ să ir mơ bơta jòng să, bơta pơnhừ să mơ bơta tràl sơrbil khai dê, mơya ală bơta jòng să khai dê la ò kwơ.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 48:1

Bơh Môap, Yàng Jehôwa Mpồl Ling, Yàng Tom Trồ Israel dê, đơs be do: “Bòl glar Nebô in, tài bơh neh gơlik gơs tiah lòi srau! Kiriataim pal kong bơta ƀàssìl, mơ gơkòl phà kup; Misgap kong tuh tơlup mơ sền òsơp.

Jeremi 49:1

Bơh kòn sau Ammôn, Yàng Jehôwa đơs be do: “Israel ò gơs kòn klau ơ? Ò gơs cau pơrdòn jơtài ơ? Gen ñchi bơh tài Milkôm ai Gat lơh gơs sre brê, mơ làng bol khai ơm tòm ală ƀòn Gat dê taih?”

Ñìm Rac 3:61

Khoai Yàng Jehôwa, Kơnràñ neh kơno bol khai bơtat bơtròh, mơ jơh ală kai gơrmơ̆i bol khai tòmdră mơ añ.

Ejekiel 21:28

Ai mê, ơ kòn mơnus, đơs hwơr tĕ mơ lah: ‘Bơh kòn sau Ammôn mơ jơnau tràl sơrbil bol khai dê, gen Jehôwa Yàng Tom Trồ đơs be do: Dô nơm đào, dô nơm đào, neh tă tơlik nàng sreh tơnchơt; neh tồl nàng sa loan, mơ gơcrà be puhlèp!

Ejekiel 25:1

Gơs jơnau Yàng Jehôwa đơs mơ añ lah:

Ejekiel 35:12

Gen mê rơp git Añ, la Yàng Jehôwa, neh kơno jơh ală jơnau bơtat bơtròh mê neh đơs tòmdră mơ ală mơnơm Israel dê. Mơ neh đơs lah: “Ală mơnơm hơ̆ neh gơkòl lòi srau gòi mơ neh jào phi bol he in nàng sa loan.”

Ejekiel 36:2

Jehôwa Yàng Tom Trồ đơs be do: Tài bơh ală cau sò tơm neh đơs bơh bol mê lah: ‘Aha! Ală dòr jơnhoa rài yau neh gơlik gơs phan tòm bol he dê!’”

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Amôs 2:1

Yàng Jehôwa đơs be do: “Bơh tồi glài Môap dê, oă rlau mơ pe, poan dơ̆, Añ rơp ò jùt sang bơta lơh glài gơ dê. Tài bơh khai neh chu ală ntìng ƀồc bơtau Edôm dê gơlik gơs cùr.

Sôphôni 2:10

Hơ̆ la cồng nha bol khai rơp dòp geh, tài bơh bơta pơnhừ să bol khai dê, tài bơh bol khai neh bơtat bơtròh mơ dơñŏ tơnhial tòmdră mơ làng bol Yàng Jehôwa Gơnap Gơnoar Dờng Làm Jơh dê.

Jôsue 5:9

Tŭ hơ̆ Yàng Jehôwa đơs mơ Jôsue lah: “Ngai do Añ neh tă tơlik bơh di bol mê bơta ƀàssìl lơgar Ejiptơ dê.” Gen tàng cau sơnđan tiah hơ̆ la Gilgal jơl tus di ngai do.