Sôphôni 2:3 - Sră Goh 2018

³ Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Sôphôni 2:3 ပူးပေါင်းရင်းမြစ်များ

II Samuel 12:22

Bơtau ho lah: “Tòm tŭ kòn dềt gam kis, añ neh ơt sa mơ ñìm. Añ kơlôi lah: ‘Ñcau rgơi git taih? Digơlan Yàng Jehôwa nđàc sơngit di añ mơ lòi kòn dềt in kis.’

Đơs Crih 105:4

Jòi jat tĕ Yàng Jehôwa mơ bơta pràn kơldang Kơnràñ dê, Jòi jat tĕ muh mat Kơnràñ dê sùm.

Đơs Crih 149:4

Bơh Yàng Jehôwa niam nùs di làng bol Kơnràñ dê; Kơnràñ bơka cau pơndêt să in mơ bơta pha lin.

Đơs Crih 22:26

Cau rƀah rơp sa mơ geh hòm lai; Ală cau jòi Yàng Jehôwa rơp jòng ro Kơnràñ! Dan nùs ală bol mê geh kis gam sùm sùm.

Đơs Crih 31:20

Yàng pồn bol khai tòm tiah ndơp ndơr di đap mat Yàng, la tiah klàs bơh ală kai gơrmơ̆i kòn mơnus dê; Yàng sền gàr bol khai tòm rsơm Kơnràñ dê ngài bơh bơta tòmpìt tòmhà lơmpiat dê.

Đơs Crih 45:4

Tài bơh jơnau song, nàng sền gàr bơta song ngan, Tòm bơta ryŭ ryơm bơtau hào bơta pha lin rlau; Lòi tê ma bơtau dê bơto bơtau lơh ală broă cau pal rngòt.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Đơs Crih 76:9

Tòm tŭ Yàng Tom Trồ guh bơtào bơta cahrña Nàng dong klàs ală cau kòl rồn bơklơn tòm ù. (Selah)

Đơs Crih 91:1

Cau lơi kìng crŭ să he tòm Bơtau Hơđang Rlau Jơh, Mơ ơm sùm tòm tiah mƀur Bơtau Gơnap Gơnoar Làm Jơh dê,

Lik Ejiptơ 12:27

Gen yal tĕ bol khai in lah: ‘Hơ̆ la phan ơn Ngai Pơjum Sa Lòt Gan Yàng Jehôwa dê, Kơnràñ neh lòt gan ală hìu cau Israel dê tòm Ejiptơ mơ lòi hìu nhă bol he dê lơngap lơngai tòm tŭ Kơnràñ tơnchơt cau Ejiptơ.’” Gen làng bol tơmbic să mơ duh khoai.

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 1:17

Bơtê lơh tĕ bơta di ngan! Jòi jat tĕ bơta song ring, dong tă cau kong rồn bơklơn, dong tò tĕ ală kòn đòi, bơsong tĕ jơnau cau yă bơklơn cau ùr bơnrau.”

Esai 11:4

mơya Kơnràñ ai bơta song ring nàng cahrña cau rƀah, mơ lơh nền dô bă song ring cau lơbơn niam in hơđang ù. Kơnràñ rơp pù lơh plai ù mơ dô nơm gai bơh di bơr Kơnràñ; mơ ai nhơm tă bơh sơndồi Kơnràñ mơ tơnchơt cau iơh bơsak.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Jeremi 39:18

Bơh Añ ngan rơp dong klàs mê, mê rơp ò gơpừ hơđơm lơmpiat đào; mê rơp geh lik klàs bơh bơta chơt be phan dòp geh bơh bơta tòmlơh, bơh mê neh ơn nùs dòn kơnòm di Añ,’ Yàng Jehôwa đơs behơ̆.”

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Ejekiel 13:5

Bol mê ò lòt tus di ală tiah tơrlah dơrñang dê nàng bơt wơl dô nơm dơrñang hìu Israel in, nàng gơ rơp ntào kơ̆ tòm bơta tòmlơh tòm ngai Yàng Jehôwa dê.

Sră Ôse 10:12

Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Sră Ôse 7:10

Bơta pơnhừ să Israel dê lơh cơng tòmdră mơ khai, bulah behơ̆ khai ò rê wơl hơ Jehôwa la Yàng Tom Trồ khai dê, hala jòi jat Kơnràñ.

Jôna 3:9

Ñcau git taih? Digơlan Yàng Tom Trồ rơp tòmgơl nùs mơ tơnruc bơta gơjrañ dờng Kơnràñ dê, mơ bol he rơp ò chơt roh.”

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Mathiơ 5:5

Lơngai ală cau gơs nùs niam lơnhơn in, bơh rơp geh pơrdòn ù.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Tesalônika 4:10

ngan oh mi lơh behơ̆ gơwèt mơ jơh ală oh mi tòm làm Masedoan rau. Mơya, ơ oh mi, bol hi bơto tơngkah oh mi sơlo ngai pal kòñ gơboh sơlo oă tai.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 3:4

mơya ai tĕ hwềng nùs niam lơnhơn mơ ring lơngai nàng sơmpô đah dơlam nùs, hơ̆ la bơta sơmpô ò ồm lề mơ màng ngan di đap Yàng Tom Trồ.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.