Sôphôni 2:13 - Sră Goh 2018

¹³ Kơnràñ rơp pò tê Kơnràñ dê tòmdră mơ đah đang, mơ tơnroh Asiri, mơ Kơnràñ rơp lơh Ninibe in kòl sang lòi srau gòi jơh, gơlik gơs dô bă tiah ro rañ ngềt ngơt be ƀlàng bràs.

Sôphôni 2:13 ပူးပေါင်းရင်းမြစ်များ

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 14:26

Do la bơta rơndap neh lơh nền jơh lơgar dunnia in; do la tê pò tơlik hơđang jơh ală làng bol.

Esai 37:37

Behơ̆ Sennacerip, bơtau Asiri lòi tiah hơ̆ mơ rê hìu mơ ơm tòm Ninibe.

Jeremi 49:33

“Hajor rơp gơlik gơs trồm pì òng, La tiah lòi srau sùm sùm. Ò gơs cau lơi ơm tềng hơ̆ tai, ò gơs dô nă cau lơi ơm tềng hơ̆!”

Jôna 1:2

“Lòt tĕ mo tus hơ ƀòn dờng Ninibe mơ bơto tòmdră mơ gơ, bơh bơta iơh bơsak gơ dê neh guh tus di đap Añ.”

Jôna 3:2

“Lòt tĕ hơ ƀòn dờng Ninibe, mơ bơto tơnggit gơ in jơnau Añ neh yal mê in.”

Mice 5:6

Bol khai rơp at bồ lơgar Asiri mơ đào, mơ tă đào at bồ lơgar Nimrôt. Bol khai rơp dong bol he klàs bơh cau Asiri, dilah bol khai brồ mut tòm ù tiah bol he dê hala cơnđòa lòt tòm ală nhàr tiah bol he dê.

Nahum 1:1

Dô jơnau đơs hwơr bơh Ninibe. Sră cih bơh bơta gơtơnggŏ Nahum cau Elkôs dê.

Nahum 3:15

Tềng hơ̆ ồs rơp sa pơrguc ai, đào rơp sreh tơnchơt ai, sa loan ai kung be ală srah nting. Tơnggơs bơtơl tĕ kung be srah, tơnggơs tĕ oă kung be ală srah nting!

Nahum 3:7

Jơh ală cau gŏ ai gen pleh ngài bơh di ai mơ đơs lah: ‘Ninibe neh kong tơnroh, ñcau rơp ñìm rac pơt wòl bơh ai taih? Ntềng đah Añ rơp jòi dô nă cau nàng pơndòm pơniang ai taih?’”

Sôphôni 1:4

Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;