Sôphôni 2:11 - Sră Goh 2018

¹¹ Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Sôphôni 2:11 ပူးပေါင်းရင်းမြစ်များ

Sơnròp Gơlik Gơs 10:5

Bơh bol khai mơ gơs ală cau ơm tòm ală bồt pơlào ală làng bol dê, cah is tòm ală lơgar pơnjat ală jơnau đơs, ală hìu nhă mơ ală làng bol bol khai dê.

Đơs Crih 138:4

Ơ Yàng Jehôwa, jơh ală cau bơtau dunnia rơp jòng ro Yàng, Bơh bol khai neh kơno ală jơnau đơs Kơnràñ dê.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Esai 2:18

Ală rùp ràk rơp kòl roh thit jơh hir.

Esai 2:20

Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Esai 42:10

Đơs chò tĕ Yàng Jehôwa in dô bơta đơs chò pa, bơta đơs chò jòng ro Kơnràñ bơh tiah lồi dut plai ù dê. Ơ ală cau lòt tòm dàlềng mơ ală phan tòm hơ̆, ală bồt pơlào mơ jơh ală cau kis tòm gơ.

Esai 42:4

Khai rơp ò lơbơn òsô hala gơplơ̆ nùs, jơl tus di tŭ neh bơt bơtào bơta song ring hơđang ù; ală bồt pơlào rơp gơn kơnòm di bơta bơto sồr Khai dê.”

Esai 49:1

Ơ ală bồt pơlào, iat tĕ añ! Ơ ală làng bol tòm ală lơgar ngài, kơrhia tĕ! Yàng Jehôwa neh hòi añ lài mơ tŭ añ òhềt deh, Kơnràñ neh tơmoh sơnđan añ tòm tŭ añ gam ơm tòm kơndul mè añ jê.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 46:25

Yàng Jehôwa Gơnap Gơnoar Dờng, Yàng Tom Trồ Israel dê, đơs lah: “Do, Añ rơp lơh glài Ammôn, la yàng Nô dê, bal mơ Pharaôn, mơ Ejiptơ, bal mơ ală yàng mơ ală bơtau gơ dê: hơ̆ la Pharaôn bal mơ ală cau gơn kơnòm di khai.

Daniel 11:18

Tơnơ̆ hơ̆, khai wèt hơ bồt pơlào rò gah dàlềng mơ tòmpìt oă tiah. Mơya dô nă cau kwang at bồ ling rơp pơndut bơta pơnhừ să khai dê, mơ lơh bơta pơnhừ să bơtau dê tòmdră wơl mơ bơtau.

Sră Ôse 2:17

Bơh Añ rơp tă tơlik ală sơnđan Baal bơh di bơr khai, ò gơs cau lơi hòi di ală sơnđan bol gơ dê tai.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Sôphôni 1:4

Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Sacari 8:20

Yàng Jehôwa Gơnap Gơnoar Dờng Làm Jơh đơs be do: “Oă làng bol mơ oă cau tòm ală ƀòn dờng rơp tus,

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Malaci 1:14

“Pal srat sơntơm cau lơi in blac pơrlồm, la cau gơs tòm mpồl khai dê dô nơm phan poan jơng dam di pal mơ khai ho pơgon ơn gơ Yàng in, mơya khai ơn dô nơm phan poan jơng sồt rmàñ Yàng in!” Yàng Jehôwa Gơnap Gơnoar Dờng Làm Jơh đơs lah: “Bơh Añ la Bơtau Dờng, mơ sơnđan Añ la pal rngòt digùl ală làng bol.”

Yal Wơl 32:38

la ală yàng neh sa dơngi ală phan ơn duh khoai chu pơrguc bol khai dê mơ ñô tơrnòm ño ơn duh khoai bol khai dê taih? Lòi tĕ bol khai guh mơ dong kòl bol mê! Lòi tĕ bol khai gơlik gơs tiah kìng crŭ bol mê in!

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”