Sôphôni 1:7 - Sră Goh 2018

⁷ Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.

Sôphôni 1:7 ပူးပေါင်းရင်းမြစ်များ

Sră Jop 24:1

“Ñchi bơh tài ală tŭ tơngai ò geh lơh nền bơh Bơtau Gơnap Gơnoar Làm Jơh taih? Mơ ñchi bơh tài ală cau git Kơnràñ ò tŭ lơi gŏ ngai Kơnràñ dê?

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Esai 13:3

Añ, să tòm Añ neh ai jơnau gơnoar sồr ală cau sàng goh Añ jê; Añ neh hòi pơjum ală cau ling tòmlơh Añ jê, cau hòn să Añ jê, nàng lơh gơlik gơs bơta gơjrañ dờng Añ jê.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Esai 34:5

Tòm tŭ đào Añ jê neh ñô hòm hơđang trồ rau; sền ne, gơ rơp mù hơđang Edôm, hơđang làng bol Añ neh lơh nền jào bơta cahrña.

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Jeremi 46:10

Ngai hơ̆ la ngai Yàng Jehôwa, Yàng Tom Trồ Gơnap Gơnoar; Hơ̆ la ngai sal tê, Kơnràñ rơp sal tê cau sò tơm di Kơnràñ. Đào rơp loan jơl tus hòm, Hùc mhàm bol khai jơl tus rài tơhìr; Bơh Yàng Jehôwa la Yàng Tom Trồ Gơnap Gơnoar, Gơs bơta ơn phan duh khoai tòm lơgar đah đang, di gah hiòng Ơphrat.

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Ejekiel 7:7

Ơ làng bol ơm tòm lơgar, bơta rung rài neh tus hơđang bol mê. Tŭ neh tus, ngai neh rềp; gơs bơta rngòt rngơt, ò gŏ bơta chò hòp hơđang ală mơnơm.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Amôs 6:10

Mơ dilah dô nă cau gơp bơtiàn pal chu ƀồc chơt, khai rơp tus tă cèng ƀồc bơh hìu, mơ lùp cau lơi gam ơm tòm hìu lah: “Gam gơs cau lơi ơm bal mơ mê sơl?” Cau hơ̆ đơs lah: “Ò gơs cau lơi ò.” Gen khai rơp đơs lah: “Ơm tĕ mŏ mŏ! Bol he bañ đơs tai bơh sơnđan Yàng Jehôwa!”

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Habakuk 2:20

Mơya Yàng Jehôwa ơm tòm Hìu Duh Khoai Sàng Goh Kơnràñ dê; lòi jơh plai ù ơm tĕ mŏ mŏ di đap Kơnràñ.”

Sôphôni 1:14

“Ngai dờng Yàng Jehôwa dê neh tus rềp, neh tus rềp mơ tus mhar. Ntas sap ñìm sràt bơtang tòm ngai Yàng Jehôwa dê, ală cau ling tòmlơh driau dờng tềng hơ̆.

Sacari 14:1

Do, ngai Yàng Jehôwa dê rơp tus tòm tŭ ală phan phà kup rơp tòmpà digùl bol mê.

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 22:4

Bơtau sồr tai ală cau dĭ ndai mơ nting lah: ‘Đơs tĕ mơ cau neh geh jà lah: Do añ neh rcang sir phan sa rau, kơnrồ mơ phan poan jơng lơmă neh lơh poac rau. Jơh ală bơta neh sir rau. Tus tĕ sa tòmbau.’

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 9:20

Mơya, ơ cau ne, mê la ñcau mơ khin pơndang wơl mơ Yàng Tom Trồ taih? Dô nơm gri mơ ù rgơi đơs tơrwơl mơ cau mòn gơ lah: “Ñchi bơh tài mê neh mòn añ be do sơl ơ?”

Philip 4:5

Ai tĕ jơh ală cau in git bơta kong ơt oh mi dê. Yàng neh rềp rau.

Kôlôse 1:12

mơ ưnngài Yàng Bèp la Bơtau neh lơh bol he in gơlik gơs di pal nàng dòp pơnah tòm sre brê ală cau sàng goh dê ơm tòm lơgar bơta àng.

I Samuel 16:5

Samuel ho lah: “Ơi, tòm bơta lơngap lơngai. Añ tus nàng ơn phan duh khoai Yàng Jehôwa in; lơh tĕ sàng goh să tòm bol mê mơ añ tòm bơta ơn phan duh khoai.” Gen khai lơh sàng goh Jese mơ ală kòn klau khai dê mơ jà bol khai tus hơ bơta ơn phan duh khoai.

I Samuel 20:26

Sol ò đơs jơnau lơi tòm ngai hơ̆ bơh khai neh kơlôi lah: “Digơlan neh gơs bơta lơi gơlik tus di Dabit lơh khai in ò goh nàng pơjum sa, ngan la khai ò goh.”