Sôphôni 1:4 - Sră Goh 2018

⁴ Añ rơp pò tê Añ jê tòmdră mơ Juda mơ jơh ală cau ơm tòm Jerusalem. Añ rơp tơnroh jơh ală bơta gam wơl Baal dê, mơ jùt sơnđan jơh ală cau gơnoar ơn phan duh khoai duh khoai rùp ràk;

Sôphôni 1:4 ပူးပေါင်းရင်းမြစ်များ

II Ală Bơtau 21:13

Añ rơp yò hơđang Jerusalem che was Samari mơ kơr hìu Ahap. Añ rơp jùt jơh Jerusalem be cau jùt dô nơm prềng, jùt gơ mơ drup sơrklup gơ.

II Ală Bơtau 23:12

Ală cơnòng duh khoai hơđang rkàng ơdŭ Ahas dê mơ ală bơtau Juda neh bơt; mơ ală cơnòng duh khoai mơ Manase neh bơtào gơs tòm bàr đah ơdŭ mpang hìu duh khoai Yàng Jehôwa dê, gen khai tă tơmù bơh tềng hơ̆ mơ jan bơcah lề lac, mơ rsìh thul gơtòm Croh Kidrôn.

II Yal Yau 34:4

Di đap mat bơtau bol khai sòr tơrlah ală cơnòng duh khoai ală Baal dê; khai koh rpot rpet cơnòng chu kơlhô ơm hơđang bol gơ, mơ jan bơcah ală jrong duh khoai Asera, ală rùp ràk mơ ală rùp duh khoai. Khai jan bơcah jơh ală phan hơ̆ mơ rsìh hơđang ală bơtô ƀồc ală cau neh ơn phan duh khoai bol gơ.

Lik Ejiptơ 15:12

Kơnràñ neh pò tơlik tê ma Kơnràñ dê, ù neh sa loan bol khai.

Jeremi 15:6

Yàng Jehôwa đơs lah: “Mê neh sang lòi Añ, Mê neh lòt ruc hơ ngkòi, Gen tàng Añ neh pò tê tòmdră mơ tơnroh mê. Añ neh làp dil bơta nđàc sơngit.

Jeremi 6:12

Ală hìu bol khai dê rơp gơrê mơ cau ndai, ală sre bol khai dê mơ ală bau ùr dô bă bal sơl; Bơh tê Añ rơp pò tơlik tê Añ jê, tòmdră mơ làng bol ơm tòm ù tiah do.” Yàng Jehôwa đơs behơ̆.

Ejekiel 25:7

gen tàng Añ neh pò tê tòmdră mơ mê mơ jào phi mê lơh gơs phan tòmpìt sơmbrơt ală làng bol in. Añ rơp tơnlồi mê bơh di ală làng bol, rơp pơndut mê bơh di ală lơgar. Añ rơp tơnroh mê, mơ mê rơp git Añ la Yàng Jehôwa.’”

Ejekiel 6:14

Añ rơp pò tê tòmdră mơ bol khai, Añ rơp lơh ù tiah hơ̆ gơlik gơs tiah srau gòi, tòm làm bă tiah lơi bol khai ơm, bơh ƀlàng ngềt ngơt tus di Riblah. Gen bol khai rơp git Añ la Yàng Jehôwa.”

Sră Ôse 10:5

Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Mice 5:13

Añ rơp tơnroh ală rùp ràk pac sềr bol mê dê, bal mơ ală jrong duh khoai bơh digùl bol mê dê, mơ bol mê rơp ò tai kun duh khoai ală broă bơh tê bol mê dê.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Sôphôni 2:13

Kơnràñ rơp pò tê Kơnràñ dê tòmdră mơ đah đang, mơ tơnroh Asiri, mơ Kơnràñ rơp lơh Ninibe in kòl sang lòi srau gòi jơh, gơlik gơs dô bă tiah ro rañ ngềt ngơt be ƀlàng bràs.