Sôphôni 1:3 - Sră Goh 2018

³ “Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Sôphôni 1:3 ပူးပေါင်းရင်းမြစ်များ

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Esai 6:12

jơl tus di tŭ Yàng Jehôwa cèng pơrdô ngài jơh tơl nă cau, mơ oă tiah ò gơs cau ơm tòm lơgar.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ejekiel 44:12

Tài bơh bol khai duh broă làng bol di đap ală rùp ràk mơ lơh hìu Israel gơtơmut tòm tồi glài, gen tàng Añ neh srat să gơwèt mơ bol khai lah bol khai rơp kong àñ bơta lơh glài bol khai dê, Jehôwa Yàng Tom Trồ đơs behơ̆.

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 23:39

Bơh Añ đơs mơ bol mê, bơh do jơl hìng nau bol mê rơp ò gŏ Añ tai jơl tus di tŭ bol mê rơp đơs lah: ‘Lơngai Bơtau ai sơnđan Yàng mơ tus.’”

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.