Sôphôni 1:18 - Sră Goh 2018

¹⁸ Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Sôphôni 1:18 ပူးပေါင်းရင်းမြစ်များ

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

I Ală Bơtau 14:22

Cau Juda lơh bơta iơh di đap Yàng Jehôwa; bol khai bơrcek lơh Yàng Jehôwa in ƀoah pơrñat, bơh tồi glài bol khai neh tìs rlau mơ ală ồng pàng bol khai dê neh lơh.

Sră Jop 21:30

Hơ̆ la cau iơh bơsak neh prap lòi tòm ngai rung rài, Mơ khai geh dong tă tòm ngai gơjrañ dờng?

Sră Jop 3:15

Hala bal mơ ală cau at bồ gơs màh, la ală cau bềng lìu hìu bol khai dê mơ priă.

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

Đơs Crih 79:5

Ơ Yàng Jehôwa, gam nđò jŏ taih? Kơnràñ rơp gơhào gơjrañ sùm sùm sơl? Bơta ƀoah gơjrañ dờng Yàng dê rơp sa be ồs sơl ơ?

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Jơnau Pơnđik 18:11

Phan mơna cau pas la dô nơm ƀòn dờng kơ̆ cê bol khai dê, Tòm nùs bol khai kơlôi gơ la dô nơm dơrñang jơnhoa.

Esai 1:24

Behơ̆ tàng Yàng Jehôwa la Yàng Jehôwa Gơnap Gơnoar Dờng Làm Jơh, la Bơtau Gơnap Gơnoar Dờng Làm Jơh Israel dê, đơs be do: “Ngan Añ rơp tuh bơta gơjrañ dờng Añ jê hơđang ală cau sò tơm Añ jê, mơ sal tê di ală cau sò tơm di Añ!

Esai 10:17

Bơta àng Israel dê rơp gơlik gơs dô nơm ồs, mơ Bơtau Sàng Goh khai dê be lơmpiat ồs, tòm dô ngai gơ rơp chu pơrguc ală tòm lò mơ lò mrơt khai dê.

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Ejekiel 16:38

Añ rơp cahrña mơ lơh glài ai kung be lơh glài ală cau ùr rềs àr bơrnàn mơ lơh gơhòr mhàm; Añ rơp tuh hơđang ai mhàm bơta sal tê bơh bơta gơjrañ dờng mơ bơta ƀoah pơrñat Añ jê.

Ejekiel 23:25

Añ rơp ràng tơlik bơta gơjrañ pơrñat Añ jê tòmdră mơ ai, mơ bol khai rơp lơh gơwèt mơ ai tòm bơta gơjrañ. Bol khai rơp siat muh mơ tồr ai dê; ai ală cau gam wơl gen rơp pừ bơh đào. Bol khai rơp kup cèng ală kòn klau kòn ùr ai dê; ai ală cau gam wơl rơp kong ồs sa roh.

Ejekiel 7:11

Bơta jàñ bơsak neh hòn dờng mơ gơlik gơs gai lồng nàng lơh glài bơta iơh bơsak; ò gơs dô nă cau lơi tòm làng bol gam wơl, ò gam dô nă cau lơi tòm mpồl bol khai dê, ò gam phan mơna, ò gam phan lơi kas màng.

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Ejekiel 7:5

Jehôwa Yàng Tom Trồ đơs be do: ‘Sền ne, bơta rung rài pơnjat bơta rung rài! Gơ tus rau.

Sôphôni 1:11

Ơ ală cau ơm tòm ƀòn Mortar dê, pơt wòl tĕ; Bơh ală cau kă bro rơp gơkòl tơnroh jơh, ală cau kơr priă neh kòl tơnroh.

Sôphôni 1:15

Ngai hơ̆ rơp la ngai gơjrañ dờng, dô ngai rung rài mơ moat jrùng, dô ngai bòl glar mơ tơnroh, dô ngai klam jơngo mơ ò àng, dô ngai gơs mhwal jù mơ klam cik,

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Sôphôni 3:8

Gen tàng, Yàng Jehôwa đơs lah: “Kơp gơn tĕ Añ, jơl tus ngai Añ rơp ñă ntào nàng lơh cơng sơnio glài. Bơh Añ neh lơh nền pơjum tơrgòm ală làng bol mơ pơjum bal ală lơgar, mơ tuh tơlik bơta gơjrañ dờng Añ jê hơđang bol khai, la jơh ală bơta gơjrañ duh hơng Añ jê. Bơh jơh plai ù rơp kong chu pơrguc tòm ồs bơta gơjrañ ƀoah pơrñat Añ jê.

Mathiơ 16:26

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih? Hala ñchi ai nàng tòmgơl mơ hwềng soàn he taih?

I Kôrintô 10:22

Hala bol he kòñ lơh Yàng in ƀoah pơrñat ơ? Bol he pràn rlau mơ Kơnràñ ơ?

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’