Sôphôni 1:17 - Sră Goh 2018

¹⁷ Añ rơp cèng bơta rung rài hơđang kòn mơnus, bol khai rơp lòt kung be cau jơngo mat, tài bơh bol khai neh tìs glài tòmdră mơ Yàng Jehôwa. Mhàm bol khai rơp tuh tơlik kung be thul, mơ poac bol khai kung be è.

Sôphôni 1:17 ပူးပေါင်းရင်းမြစ်များ

Đơs Crih 83:10

La cau kong tơnroh tòm Endôr, gơlik gơs phan pơnđồm ù.

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 10:18

Bơh Yàng Jehôwa đơs be do: “Di di tŭ do, Añ rơp sang sơrbì làng bol lơgar do, Añ rơp cèng bơta bòl glar hơđang bol khai, Nàng bol khai kah rngal wơl.”

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Ñìm Rac 1:14

Tồi glài añ jê neh kơt tòm dô nơm yô, bơh tê Kơnràñ neh tàñ gơ bal mơ gơp, Bol khai kơr di ngko añ, Kơnràñ neh tò tơlik bơta pràn añ. Yàng neh jào añ tòm tê ală cau mơ añ ò rgơi tòmdră jai!

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Ñìm Rac 2:21

Ală cau kơnòm să mơ cau kra bic tòm ù hơđang ală gùng. Ală ùr ơruh mơ klau pơnu añ jê neh gơpừ bơh đào. Tòm ngai gơjrañ dờng Kơnràñ dê, Kơnràñ neh tơnchơt bol khai, sreh tơnchơt ò nđàc sơngit.

Ejekiel 16:38

Añ rơp cahrña mơ lơh glài ai kung be lơh glài ală cau ùr rềs àr bơrnàn mơ lơh gơhòr mhàm; Añ rơp tuh hơđang ai mhàm bơta sal tê bơh bơta gơjrañ dờng mơ bơta ƀoah pơrñat Añ jê.

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Ejekiel 24:8

Nàng tơngguh bơta gơjrañ dờng Añ jê, mơ bơta sal tê, Añ neh ơn mhàm mơ khai neh lơh gơtuh hơđang dô pơnai lŭ mpòl, tian gơs gơ ò rgơi jơm ndơp tai.’

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Mice 7:13

Mơya plai ù rơp gơlik gơs tiah sang lòi ngềt ngơt tài bơh ală cau ơm tòm hơ̆, mơ bơh cồng nha broă lơh bol khai dê.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 11:7

Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs,

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Pier 1:9

Bơh cau lơi siơ̆u ală bơta hơ̆ gen gơlik gơs be cau mìng gŏ rềp, cau jơngo, neh hŭi lah khai neh geh rào goh bơh ală tồi glài yau khai dê.

I Jang 2:11

Mơya cau lơi gơjrañ kơuềng di oh mi he, gen ơm tòm bơta klam jơngo, lơh lòt tòm bơta klam jơngo, mơ ò git ntềng đah he lòt tài bơh bơta klam jơngo neh lơh jơngo mat khai dê.

Yal Tơlik 3:17

Bơh mê đơs: ‘Añ pas gơs, añ neh pas sơm rau, ò càng phan lơi tai;’ mơya mê ò git mê la cau bòl glar, pal nđàc sơngit, rƀah lơòi, jơngo mat mơ ơm kuh lòi rồ.