Sôphôni 1:13 - Sră Goh 2018

¹³ Phan mơna bol khai dê rơp kòl tòmpìt, ală hìu tum bol khai dê lòi srau gòi. Bol khai rơp bơt ală hìu mơya ò geh ơm tòm hơ̆; bol khai rơp tam ală suơn ño mơya ò geh ñô tơrnòm.”

Sôphôni 1:13 ပူးပေါင်းရင်းမြစ်များ

Esai 6:11

Gen añ đơs lah: “Khoai Yàng Jehôwa, jơl tus di tŭ lơi taih?” Mơ Kơnràñ ho lah: “Jơl tus di tŭ ală ƀòn dờng sang srau gòi, ò gơs cau ơm, mơ ală hìu ò gơs cau ơm, mơ ù tiah gơlik ngềt ngơt;

Jeremi 15:13

Añ rơp jào bơta pas sơm mơ phan màng bol mê dê, cau phà kơñau in mơ ò tơm jền. Tài bơh jơh ală tồi glài bol mê dê, Tòm làm jơh ù tiah bol mê dê.

Jeremi 17:3

Ơ mơnơm Añ jê tòm lơgar, Añ rơp jào bơta pas sơm, mơ jơh ală phan màng mê lơh gơs phan phà kup; Be jền tơngai bơh tồi glài mê neh tìs tòm làm jơh lơgar bol mê dê.

Jeremi 4:20

Bơta rung rài ting bàn bơta rung rài, jơh tòm lơgar kong srau gòi; Nisơna ală sàl añ jê neh kong tơnroh, Ală bài kơrnìng añ jê gơcrè tòm dô ơthoa lơm!

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Jeremi 9:19

Bơh dô jơnau ñìm rac geh kơno bơh Siôn lah: ‘Mbe bol he kong roh rui! Bol he jơh hir ƀàssìl ƀàsso! Tài bơh bol he pal sang lòi lơgar; tài bơh bol khai neh phà tơrlah ală tiah ơm bol he dê!’”

Ñìm Rac 5:2

Sre brê bol hi neh gơrê tòm tê ală cau crih mat, Hìu đam bol hi dê gơrê mơ cau lơgar bơdìh.

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Ejekiel 7:21

Añ rơp jào gơlơh gơs phan tòmpìt geh tòm tê làng bol bơdìh, lơh gơs phan phà kup cau iơh bơsak tòm ù in; bol khai rơp lơh ƀơ̆ iơh di gơ.

Ejekiel 7:24

Añ rơp cèng tus dô làng bol iơh bơsak rlau jơh tòm ală làng bol nàng tòmpìt ai ală hìu bol khai dê; Añ rơp tơnlồi bơta jòng să cau pràn kơldang dê, mơ ală tiah duh khoai bol khai dê rơp kong lơh gơlik gơs ƀơ̆ ƀơl.

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Mice 6:15

Mê rơp sih gar mơya ò geh toès, mê rơp pat ôlibe mơya ò geh bong mơñà să tòm mê in, mê rơp jă plai ño mơya ò geh ñô tơrnòm.

Sôphôni 1:9

Tòm ngai hơ̆, Añ rơp lơh glài jơh ală cau sơnđoh di ƀlong mpồng, ală cau tơmbềng hìu cau tòm bol khai dê mơ bơta rhung rhang mơ bơta sa kơrlơm.

Yal Wơl 28:30

Bol mê rơp ho bau mơ dô nă cau ùr, mơya dô nă cau ndai rơp bau mơ bic mơ khai. Bol mê rơp bơt dô nơm hìu mơya bol mê rơp ò ơm tòm hìu hơ̆. Bol mê rơp tam dô nơm suơn ño mơya bol mê kung rơp ò geh sơntòm chò hòp bơh plai gơ dê.

Yal Wơl 28:39

Bol mê rơp tam ală suơn ño mơ sền gàr gơ mơya bol mê rơp ò ñô hala pic plai ño, tài bơh ală tu rơp sa gơ.

Yal Wơl 28:51

Bol khai rơp sa loan ală kòn dềt phan poan jơng bol mê dê, mơ ală kòi mbo ù tiah bol mê dê jơl tus di tŭ bol mê neh kong tơnroh. Bol khai rơp ò lòi bol mê in gar kòi mbo lơi tơrnòm pa hala mơñà lơi, hala kơnrồ kòn lơi bơh di ală mpồl kơnrồ, belàt lơi bơh di ală mpồl belàt bol mê dê jơl tus di tŭ bol mê neh kong roh rui jơh.