Sôphôni 1:12 - Sră Goh 2018

¹² Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Sôphôni 1:12 ပူးပေါင်းရင်းမြစ်များ

Sră Jop 21:15

Ñcau la Bơtau Gơnap Gơnoar Làm Jơh mơ bol hi pal duh broă taih? Ñchi bol hi dòp geh dilah bol hi hòi dan mơ Kơnràñ taih?’

Đơs Crih 10:4

Cau iơh bơsak lơh muh mat pơnhừ să đơs lah: “Yàng Tom Trồ rơp ò jòi bàn;” Jơh ală bơta kơlôi sơnơng khai dê la: “Ò gơs Yàng Tom Trồ.”

Đơs Crih 14:1

Cau bơrngơl gơla đơs tòm nùs lah: “Ò gơs Yàng Tom Trồ.” Bol khai ƀơ̆ iơh lơm, bol khai lơh ală bơta ngkòr ngkàc, Ò gơs cau lơi lơh bơta niam.

Đơs Crih 94:7

Bol khai đơs lah: “Yàng Jehôwa ò gŏ ò, Yàng Tom Trồ Jakôp dê ò dòp git bơh bơta hơ̆.”

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Jeremi 10:5

Ală rùp ràk bol khai dê be phan tơrngòt tòm sre rpung, Bol gơ ò rgơi đơs; Ò rgơi lòt, gen tàng pal tùng. Bañ rngòt ală bol gơ, Bơh bol gơ ò rgơi tơndùh bơta rung rài hala ai lơngai.”

Jeremi 48:11

Môap ơm lơngai lơngò bơh tŭ gam kơnòm să, Kung be tơrnòm neh soat, Òhềt tuh bơh gri do tus hơ gri ne, Kung òhềt kong kup cèng pơrdô; Gen tànggơ gam bơkah, mơ ƀô gơ òhềt roh.”

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Ejekiel 9:9

Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Apdia 1:6

Esau neh kong phà kơñau ò git nđò, ală phan màng pồn ndơp khai dê neh gơkòl jòi sơwì jơh!

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

II Pier 3:4

mơ đơs lah: “Ntềng đah jơnau ho pơgon bơh bơta Yàng tus wơl taih? Bơh di tŭ ồng pàng bol he neh bic, gen jơh ală phan kư̆ gam sùm be tòm tŭ sơnròp crơng gơs trồ tiah.”

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.