Sôphôni 1:10 - Sră Goh 2018

¹⁰ Yàng Jehôwa đơs lah: “Tòm ngai hơ̆ rơp gơs jơnau driau dờng di Mpồng Ka, pơt wòl bơh di Ƀòn Dờng Dơ̆ Bàr, mơ dô ntas dờng tơrlah tơrlơm bơh ală dòr.

Sôphôni 1:10 ပူးပေါင်းရင်းမြစ်များ

II Samuel 5:7

Bulah behơ̆ Dabit tòmpìt ai theng kơ̆ cê Siôn la ƀòn dờng Dabit dê.

II Samuel 5:9

Gen Dabit tòmpìt mơ mut ơm tòm theng kơ̆ cê mơ tơmoh sơnđan gơ la ƀòn dờng Dabit. Khai bơt dơrñang gùt dar bơh Milô tus di tiah dơlam.

II Ală Bơtau 22:14

Behơ̆, cau gơnoar ơn phan duh khoai Hilkia, Ahikam, Akbô, Saphan, mơ Asaya lòt jòi cau gơnoar hwơr ùr Hulda, bau ùr Salum, cau prap ào bơta pơjum, kòn klau Tikba, sau Harhas; mò ơm tòm Jerusalem, tòm ƀòn dơ̆ bàr. Bol khai lùp mò,

II Yal Yau 3:1

Salômôn sơntòm bơt bơtào hìu duh khoai Yàng Jehôwa dê tòm Jerusalem hơđang mơnơm Môria la tiah Yàng Jehôwa neh tơlik mat mơ Dabit bèp khai dê, di tiah mơ Dabit neh rcang lài, di làn jă kòi Arauna cau Jebusit dê.

II Yal Yau 32:22

Behơ̆ Yàng Jehôwa dong tă Ejekia mơ làng bol Jerusalem klàs bơh di tê Sancerip bơtau Asiri mơ klàs bơh di tê jơh ală cau ndai. Kơnràñ ai khai in bơta ring lơngai tòm jơh ală đah.

II Yal Yau 33:14

Tơnơ̆ mơ hơ̆ khai bơt wơl dơrñang đah bơdìh dơrñang Ƀòn Dờng Dabit dê, đah mattơngai mut croh dà Gihôn tòm thòng, tus di mpồng dờng sơnđan la Mpồng Ka mơ gùt dar mơnơm dềt Ôphel; khai kung bơt jòng jơnhoa rlau tai. Khai ơn ală cau at bồ mpồl ling tòm jơh ală ƀòn dờng kơ̆ cê tòm Juda.

II Yal Yau 34:22

Hilkia mơ ală cau mơ bơtau neh sồr lòt bal mơ khai lik lòt nàng đơs mơ cau gơnoar hwơr ùr Hulda la bau ùr Salum kòn klau Tôkhat, sau Hasrah, la cau kơp gàr ơdŭ prap ală ào jrùh. Cau gơnoar hwơr ùr do ơm tòm Jerusalem, tòm kơnhwàl dơ̆ bàr.

Nehemi 12:39

lòt hơđang Mpồng Epraim, lòt gan Mpồng Yau mơ Mpồng Ka, mơ gan Theng Hananel mơ Theng Rhiang, tus hơ Mpồng Belàt, bol khai lòt tus hơ nggùl Mpồng Kơp Gàr.

Nehemi 3:3

Ală kòn klau Hassena dê bơt wơl Mpồng Ka, bol khai ơn ròc gơ dê mơ yồng ală mpồng, ơn gai mpồng mơ ală kai gơ dê.

Esai 59:11

Bol he jơh tơl nă ơnung kung be ală jơgơu, mơ ñìm rac pơt wòl kung be ală sềm ntòp. Bol he jòi jat bơta song ring, mơya jòi ò bàn, jòi jat bơta dong klàs mơya gơ ơm ngài ngan.

Jeremi 39:2

Nam dơ̆ jơt dùl rài Jedekia, kơnhai poan, ngai dơ̆ sin, ƀòn kong phà tơrlah.

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Ejekiel 6:13

Mơ bol mê rơp git Añ la Yàng Jehôwa, tòm tŭ làng bol bol khai dê gơkòl sreh tơnchơt digùl ală rùp ràk gùt dar ală cơnòng duh khoai bol khai dê, hơđang kòp nơm dòr jòng jơnhoa mơ hơđang jơh ală bồ mơnơm, tòm tiah mƀur kòp nơm chi dờng mơ kòp nơm chi gus, làm ală tiah bol khai chu kơlhô ƀô bơkah jơh ală rùp ràk bol khai in.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Sôphôni 1:15

Ngai hơ̆ rơp la ngai gơjrañ dờng, dô ngai rung rài mơ moat jrùng, dô ngai bòl glar mơ tơnroh, dô ngai klam jơngo mơ ò àng, dô ngai gơs mhwal jù mơ klam cik,

Sôphôni 1:7

Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.