Sơnròp Gơlik Gơs 9:4 - Sră Goh 2018

⁴ Mơ bol mê bañ sa poac gam gơs bơta kis, hơ̆ la mhàm gơ.

Sơnròp Gơlik Gơs 9:4 ပူးပေါင်းရင်းမြစ်များ

Ejekiel 33:25

Gen tàng, đơs tĕ mơ bol khai lah: ‘Jehôwa Yàng Tom Trồ đơs be do: Tài bơh bol mê sa poac gam mhàm, tơnggòr sền ală rùp ràk bol mê dê, mơ lơh gơtuh mhàm; gen bol mê rơp dòp geh lơgar ơ?

Lebi 19:26

Bañ sa poac lơi gam gơs mhàm tòm gơ. Bañ lơh jat bơta sền dà mơ juh proh.

Lebi 3:17

Do la dô jơnau sồr gam sùm sùm ală rài rơp tus in, bulah ơm tiah lơi: Bol mê ò di sa dơngi hala mhàm.

Lebi 7:26

Bulah bol mê ơm tiah lơi, bol mê ò di sa mhàm dô nơm sềm hala dô nơm phan poan jơng lơi.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 15:25

Gen tàng, bol hi dô nùs bal sac mơ sồr ală cau do lòt bal mơ bàr nă cau bol hi kòñ gơboh ngan la Banaba mơ Pol nàng tus hơ oh mi;

Broă 15:29

Pal wèr phan duh khoai rùp ràk, mhàm, phan chơt rhwat, mơ bañ tìs glài rềs àr bơrnàn. Dilah oh mi kơrmap gàr să he ò lơh bơta hơ̆ la niam. Ơm ngac yơ.”

Yal Wơl 12:16

Mơya bol mê ò di sa mhàm; tuh tĕ gơtòm ù kung be tuh dà.

Yal Wơl 12:23

Mơya lơh nền tĕ lah bol mê bañ sa mhàm, tài bơh mhàm la bơta kis, gen bol mê bañ sa poac bal mơ bơta kis.

Yal Wơl 14:21

Bañ sa phan lơi bol mê bàn neh chơt rau. Bol mê rgơi ai gơ dô nă cau làng bơdìh in ơm tòm dô nơm ƀòn dờng bol mê dê, mơ khai rgơi sa poac gơ, hala bol mê rgơi tac gơ mơ dô nă cau làng bơdìh. Mơya bol mê la dô làng bol sàng goh Jehôwa Yàng Tom Trồ bol mê in. Bañ gơm dô nơm be kòn tòm dà toh mè gơ dê.”

Yal Wơl 15:23

Mơya bol mê bañ sa mhàm; tuh tĕ tòm ù kung be tuh dà.”

I Timôthe 4:4

Bơh jơh ală phan Yàng Tom Trồ neh crơng gơs la niam lơm, ò gơs dô nơm phan lơi pal sang ò, mìng he git ưnngài mơ dòp ngui,

I Samuel 14:32

Bol khai brồ tus hơđang ală phan phà geh, kup ală belàt, kơnrồ mơ kơnrồ kòn, koh poac di tiah mơ sa gơ bal mơ mhàm.