Sơnròp Gơlik Gơs 9:23 - Sră Goh 2018

²³ Mơya Sem mơ Japhet ai ào ơn dê pơnì mơ lòt ruc tus mơ tơntơ̆ dê bèp bol khai; mơ bơh mat bol khai wèt đah ndai, gen bol khai ò gŏ bơta ơm kuh lòi rồ bèp dê.

Sơnròp Gơlik Gơs 9:23 ပူးပေါင်းရင်းမြစ်များ

Sơnròp Gơlik Gơs 9:22

Mơ Cam, bèp Kanaan gŏ bơta ơm kuh lòi rồ bèp khai dê gen lik dê tiah yal mơ bàr nă oh mi khai dê.

Sơnròp Gơlik Gơs 9:24

Dơ̆ Nôe kah rngal bơh bơñul ñô, mơ git bơta kòn put neh lơh khai in.

Lik Ejiptơ 20:12

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

Lebi 19:32

Ñă ntào tĕ di đap mat cau jòng sơnam, ki ngàm tĕ di ală cau kra mơ duh rngòt tĕ di Yàng Tom Trồ. Añ la Yàng Jehôwa.

Rôma 13:7

Tơm tĕ bol khai in bơta he pal tơm; boh dia tĕ di cau he pal boh dia; tă dia tĕ di phan lơi he pal tă; rngòt tĕ di cau he pal rngòt; ki ngàm tĕ di cau he pal ki.

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

I Timôthe 5:1

Bañ lah pơrhơng kơnjơ̆ cau kra, mơya bơto tơngkah tĕ khai be bèp; ai cau pơnu gen be oh mi;

I Timôthe 5:17

Ală cau kwang kra lam bồ dô bă niam gen cau pal ki ngàm oă rlau tai, lài ngan la ală cau kong bòl glar tòm broă bơto jơnau Yàng mơ bơto sồr.

I Timôthe 5:19

Bañ dòp jơnau cau yă dô nă cau kwang kra lơi dilah ò gơs bàr hala pe nă cau lơh cơng.

I Pier 2:17

Sền màng ryŭ tĕ di jơh ală cau, kòñ gơboh tĕ di ală oh mi, duh rngòt tĕ di Yàng Tom Trồ, dòn duh tĕ cau bơtau.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.