Sơnròp Gơlik Gơs 9:2 - Sră Goh 2018

² Ală phan poan jơng ơm hơđang ù, ală sềm hơđang trồ, mơ ală phan wìn kis hơđang ù, mơ ală ka tòm dàlềng rơp rngòt rngơt dê mê mơ mê rơp geh gơnoar hơđang bol gơ.

Sơnròp Gơlik Gơs 9:2 ပူးပေါင်းရင်းမြစ်များ

Sơnròp Gơlik Gơs 1:21

Yàng Tom Trồ crơng gơs ală ka dờng, ală phan kis mơ wañ kơnòm dê dà mơ tơnggơs gơlik lìu làc, pơnjat be jơi gơ, mơ ală sềm par pơnjat be jơi gơ. Yàng Tom Trồ gŏ bơta hơ̆ la niam.

Sơnròp Gơlik Gơs 1:26

Yàng Tom Trồ đơs lah: “Bol He lơh gơs tĕ kòn mơnus be rùp He mơ tòm toh be He nàng khai at bồ ală ka tòm dàlềng, ală sềm hơđang trồ, ală phan poan jơng tòm hìu, ală phan poan jơng tòm brê hơđang ù, mơ ală phan wìn nsròng lam jơh ù tiah.”

Sơnròp Gơlik Gơs 1:28

Yàng Tom Trồ ai lơngai lơngò bol khai in mơ đơs lah: “Tơnggơs tĕ bơtơl oă, lơh bềng lìu ù tiah, lơh ù in dòn duh, at bồ ală ka tòm dàlềng, ală sềm hơđang trồ, mơ ală phan kis wañ hơđang ù.”

Sơnròp Gơlik Gơs 2:19

Jehôwa Yàng Tom Trồ ai ù mòn gơs ală phan poan jơng tòm ƀlàng, ală sềm par hơđang trồ gen Kơnràñ cèng gơ tus di đap cau klau nàng lòng sền mbe gơlơh khai tơmoh sơnđan bol gơ tồ sơnđan lơi khai tơmoh kòp ală phan tă nhơm gen hơ̆ la sơnđan is gơ dê.

Sơnròp Gơlik Gơs 35:5

Chòp, bol khai lòt gùng, mơ Yàng Tom Trồ tơndùh bơta rngòt rngơt hơđang ală ƀòn gùt dar tềng hơ̆, gen tàng bol khai ò ting jat ală kòn klau Jakôp dê.

Sơnròp Gơlik Gơs 9:1

Yàng Tom Trồ ai lơngai Nôe mơ ală kòn klau khai in mơ đơs lah: “Tơnggơs tĕ bơtơl oă, lơh bềng lìu hơđang ù.

Sơnròp Gơlik Gơs 9:3

Jơh ală phan lơi wañ mơ gơs bơta kis gen mê ngui lơh gơs phan sa. Añ ai jơh phan hơ̆ be Añ ai ñhơt tơlir.

Sră Jop 39:11

Gơ lòt làm kơh mơnơm be ƀlàng ñhơt gơ dê, Gơ jòi sa jơh ală phan tơlir.

Ejekiel 34:25

Añ rơp bơtào mơ bol gơ dô bơta ho bal ring lơngai, mơ rơp bơtrơh ală phan brê bơh di lơgar nàng bol gơ rgơi ơm tòm ƀlàng ngềt ngơt mơ bic tòm brê tòm dơr dô bă lơngap lơngai.

Sră Ôse 2:18

Tòm ngai hơ̆, Añ rơp bơh bol khai mơ bơt bơta ho bal mơ ală phan poan jơng tòm ƀlàng, ală sềm hơđang trồ, mơ ală phan wìn nsròng tòm ù. Añ rơp tơnroh jơh ală àtak, ală đào, mơ bơta tòmlơh bơh di ù tiah do, tồ jơh làng bol in geh bic rlô ring lơngai.

Lebi 26:22

Añ rơp sồr ală phan poan jơng tòm brê tus tòmdră mơ bol mê, mơ bol gơ rơp kơñau ală kòn sau bol mê dê bơh di bol mê, tơnroh ală phan poan jơng bol mê dê, pơndut ntum khà bol mê dê, lơh ngềt ngơt ală gùng lòt bol mê dê.

Lebi 26:6

Añ rơp ai bơta ring lơngai tòm lơgar, bol mê rơp bic mang mơ ò gơs cau lơi lơh bol mê in rngòt. Añ rơp tă tơlik ală phan brê bơh di lơgar, mơ đào rơp ò lòt gan lơgar bol mê dê.

Jakơ 3:7

Jơh ală jơi phan poan jơng, jơi sềm, jơi wìn nsròng, jơi kis tòm dàlềng rgơi at bồ lơm, mơ neh kong kòn mơnus at bồ rau;