Sơnròp Gơlik Gơs 8:21 - Sră Goh 2018

²¹ Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Sơnròp Gơlik Gơs 8:21 ပူးပေါင်းရင်းမြစ်များ

Sơnròp Gơlik Gơs 3:17

Kơnràñ đơs mơ Adam lah: “Bơh mê iat jơnau cau ùr mơ sa plai chi Añ neh nting ò di sa, behơ̆ ù kong srat sơntơm tài bơh mê, tòm jơh rài mê pal kong bòl glar gen sồng gơlik gơs phan sa bơh tòm ù.

Sơnròp Gơlik Gơs 4:12

Tòm tŭ mê tùc tam phan, ù ò hòn niam mê in; mê rơp dô lòt nrah nring tòm ù.”

Sơnròp Gơlik Gơs 5:29

Khai tơmoh sơnđan la Nôe mơ đơs lah: “Cau do rơp pơndòm pơniang nùs bol he tài bơh broă bòl glar mơ tê bol he pal lơh tài bơh ù Yàng Jehôwa neh srat sơntơm.”

Sơnròp Gơlik Gơs 6:13

Gen Yàng Tom Trồ đơs mơ Nôe lah: “Bơta lồi dut jơh poac să dê neh tus di đap Añ, tài bơh kòn mơnus lơh ù tiah bềng lìu bơta jàñ bơsak, behơ̆ Añ rơp tơnroh bol khai bal mơ ù sơl.

Sơnròp Gơlik Gơs 6:17

Mơ Añ, Añ rơp lam dà kŏ làm jơh hơđang ù nàng tơnroh ală poac să gơs nhơm kis tòm tiah trồ; jơh ală phan ơm hơđang ù gơ rơp chơt jơh.

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Đơs Crih 58:3

Cau iơh bơsak tìs nrah bơh tòm hìu kòn, Bol khai đơs blac mơ lòt tìs nrah bơh tòm tŭ pa deh.

Đơs Crih 58:4

Bơta bih khih bol khai dê ò gơkrơi be bơta bih khih bơs dê; Bol khai be bơs tur tĭ tồr mơ sềt tồr,

Lik Ejiptơ 29:18

Gen chu tĕ jơh hir dô nơm belàt dam hơđang cơnòng duh khoai. Hơ̆ la dô nơm phan ơn chu pơrguc, gơs ƀô bơkah ơn Yàng Jehôwa in.

Lik Ejiptơ 29:25

Gen ai tĕ jơh bơh di tê bol khai mơ chu gơ hơđang cơnòng duh khoai, bal mơ phan ơn chu pơrguc nàng gơs ƀô bơkah di đap Yàng Jehôwa; hơ̆ la dô nơm phan ơn chu mơ ồs ơn Yàng Jehôwa in.

Jơnau Pơnđik 20:9

Ñcau rgơi đơs: “Añ neh lơh goh nùs añ, añ sàng goh mơ ò gơs glài?”

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Esai 47:12

Ntào kơ̆ tòm bơta juh proh mơ gru bơjơu ai dê mơ ai neh kong bòl glar bơh tŭ ai gam kơnòm să. Digơlan ai rơp gơlik cồng nha; mơ digơlan ai rơp cèng tus bơta kìr rngòt.

Esai 47:15

Hơ̆ la jơh ală bơta mơ bol khai lơh bòl glar ai in, mơ lòt kă bro bal bơh tŭ gam kơnòm să. Bol khai jơh tơl nă lòt nrah nring tòm gùng bol khai dê; ò gơs cau lơi dong tă ai ò!

Esai 48:8

Bol mê òhềt kơno, kung òhềt git wă; bơh yau òr tồr bol mê òhềt gơ pò. Bơh Añ neh git loh ngan bol mê la ma blac; bol mê geh sơnđan la cau jak tòmdră bơh di tŭ pa deh.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Esai 65:6

Ne, gơs jơnau cih di đap Añ la: “Añ rơp ò ơm mŏ mŏ, mơya Añ rơp tơm wơl; Añ rơp tơm wơl bơta hơ̆ di tiang ào bol khai dê.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 18:12

Mơya bol khai đơs lah: ‘Hơ̆ la bơta ò kwơ! Bol hi kư̆ jat bơta rơndap bol hi dê; mơ kòp nă tòm bol hi rơp lơh jat bơta kră kơldang nùs iơh bol hi dê.’”

Jeremi 8:6

Añ neh ai tồr mơ iat; Mơya bol khai ò đơs bơta song ngan, ò gơs cau lơi gơjrañ sang glài bơta iơh Mơ đơs lah: “Ñchi añ neh lơh taih?” Jơh tơl nă bol khai lòt jat gùng is, Kung be ơseh brồ tơm tòm tiah tòmlơh.

Ejekiel 20:41

Añ rơp dòp bol mê kung be kơlhô ƀô bơlhu tòm tŭ Añ cèng bol mê lik bơh di ală làng bol, mơ pơjum tơrgòm bol mê bơh di ală lơgar mơ bol mê neh kong nrah nring; mơ Añ rơp yal tơlik să tòm Añ sàng goh digùl bol mê mơ di đap ală làng bol.

Lebi 1:13

Khai pal ai dà mơ rào jơh ală phan tòm dơlam bal mơ jơng gơ, mơ cau gơnoar ơn phan duh khoai pal cèng jơh ală phan hơ̆ mơ chu hơđang cơnòng duh khoai. Hơ̆ la dô nơm phan ơn chu pơrguc, dô nơm phan chu mơ ồs, gơs ƀô bơlhu niam nùs Yàng Jehôwa.

Lebi 1:17

Khai pal at di ală pơnđar mơ crè gơ gơs bàr pơnah mơya ò di gơltac is gơ dê, lồc behơ̆ cau gơnoar ơn phan duh khoai rơp chu gơ hơđang lòng ồs sa hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu mơ ồs gơs ƀô bơlhu niam nùs Yàng Jehôwa.’”

Lebi 1:9

Khai pal ai dà mơ rào ală pơnah tòm dơlam kơnrồ bal mơ ală jơng gơ dê, mơ cau gơnoar ơn phan duh khoai pal chu jơh ală phan hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu tòm ồs, gơs ƀô bơlhu niam nùs Yàng Jehôwa.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Lebi 4:31

Khai pal tă jơh dơngi tòm toh kung be khai neh tă bơh di phan ơn bơta ring lơngai, mơ cau gơnoar ơn phan duh khoai rơp chu gơ hơđang cơnòng duh khoai lơh gơs phan ƀô bơlhu niam nùs Yàng Jehôwa. Lơh behơ̆, gen cau gơnoar ơn phan duh khoai rơp lơh bơta tơwài glài cau hơ̆ in, mơ khai rơp geh toh glài.

Lebi 8:28

Gen Môise ai ală phan hơ̆ bơh di tê bol khai mơ chu gơ di cơnòng duh khoai hơđang phan ơn chu pơrguc lơh gơs dô nơm phan ơn pồ bơtào gơs ƀô bơlhu, dô nơm phan ơn chu tòm ồs ơn Yàng Jehôwa in.

Khà Làng Bol 15:3

mơ bol mê ơn Yàng Jehôwa in ală phan ơn chu pơrguc, bơh di mpồl kơnrồ hala mpồl belàt lơh gơs phan ƀô bơlhu niam nùs Yàng Jehôwa, bulah la ală phan ơn chu pơrguc hala ală phan ơn duh khoai, bơh ală jơnau srat să ho nền hala bơh nùs kòñ ơn, hala phan ơn tòm ngai pơjum sa,

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Jang 3:6

Bơta lơi deh bơh poac să la poac să, mơ bơta lơi deh bơh Yàng Hwềng la hwềng.

Rôma 1:21

Bơh bulah bol khai git Yàng Tom Trồ, mơ kung ò bài jòng ro mơ ưnngài Kơnràñ sơl, mơya kư̆ tìs nrah tòm ală bơta kơlôi sơnơng mơ nùs tùl gơla bol khai dê gơlik klam jơngo.

Rôma 3:23

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;

II Kôrintô 2:15

Bơh bol hi la ƀô bơlhu Bơtau Krist dê neh ơn Yàng Tom Trồ in, ơm digùl cau geh dong klàs mơ ơm digùl cau kòl roh rui;

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’