Sơnròp Gơlik Gơs 8:1 - Sră Goh 2018

¹ Mơya Yàng Tom Trồ kah wơl Nôe mơ jơh ală phan poan jơng tòm brê, mơ ală phan poan jơng tòm hìu ơm bal mơ khai tòm ơhò, gen Yàng Tom Trồ lơh dô nơm càl khồm rbơt hơđang ù gen dà gơ mù.

Sơnròp Gơlik Gơs 8:1 ပူးပေါင်းရင်းမြစ်များ

Sơnròp Gơlik Gơs 19:29

Tòm tŭ Yàng Tom Trồ tơnroh ală ƀòn tòm ƀlàng, hơ̆ la ală ƀòn Lot ơm, gen Kơnràñ kah Abraham mơ dong Lot lik klàs bơh tiah rung rài hơ̆.

Sơnròp Gơlik Gơs 30:22

Yàng Tom Trồ kah wơl Racel, gen dòp jơnau khai mơ ai khai in gơs kòn.

Sơnròp Gơlik Gơs 9:10

mơ ală phan kis ơm bal mơ bol mê, sềm, phan poan jơng tòm hìu, phan poan jơng hơđang ù, hơ̆ la ală jơi lik bơh ơhò, la jơh ală phan poan jơng hơđang ù.

Nehemi 13:14

Ơ Yàng Tom Trồ! Dan kah añ bơh bơta do, bañ jùt ală broă niam añ neh lơh hìu duh khoai Yàng Tom Trồ añ in mơ tòm ală bơta duh broă.

Nehemi 13:22

Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Nehemi 13:29

Ơ Yàng Tom Trồ añ! Dan kah bol khai, bơh bol khai neh lơh ƀơ̆ ƀơl gơnoar ơn phan duh khoai mơ bơta ho pơgon gơnoar ơn phan duh khoai mơ cau Lebi dê.

Nehemi 13:31

mơ añ kung rcang lòng nàng ơn phan duh khoai, jat tŭ tơngai neh lơh nền, mơ ơn ală plai đo bồ sơnam. Ơ Yàng Tom Trồ añ! Dan kah añ bơh bơta lơngai niam Kơnràñ dê!

Sră Jop 12:15

Dilah Kơnràñ bơt dà wơl, gen gơ soat; Dilah Kơnràñ sồr gơlik, gen gơlik dà kŏ hơđang ù.

Sră Jop 14:13

Dan Yàng pồn ndơp añ tòm lơgar làng ƀồc, mơ pồn ndơp añ jơl tus di tŭ bơta gơjrañ Kơnràñ dê lòt rlau, Dan Yàng lơh nền añ in dô tŭ tơngai, mơ kah wơl añ!

Đơs Crih 105:42

Kơnràñ kah wơl jơnau ho pơgon sàng goh Kơnràñ dê, Mơ kah Abraham la cau duh broă Kơnràñ dê.

Đơs Crih 106:4

Ơ Yàng Jehôwa, dan kah añ tòm tŭ Kơnràñ ai bơta nđàc làng bol Kơnràñ in; Dan dong kòl añ tòm tŭ Kơnràñ dong tă bol khai.

Đơs Crih 115:12

Yàng Jehôwa neh kah bol hi; Kơnràñ rơp ai lơngai lơngò bol hi in, Ai lơngai lơngò hìu nhă Israel in, Kung rơp ai lơngai lơngò hìu nhă Arôn in sơl.

Đơs Crih 132:1

Ơ Yàng Jehôwa, dan kòñ nđàc mơ kah wơl Dabit, Bal mơ jơh ală bơta bòl glar khai neh kong.

Đơs Crih 136:23

Tòm tŭ bol hi kong cau sền òsơp, gen Kơnràñ kah bol hi, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”

Đơs Crih 29:10

Yàng Jehôwa ơm di sơbàn hơđang dà kŏ; Ngan Yàng Jehôwa ơm di sơbàn bơtau jơl sùm sùm.

Đơs Crih 36:6

Bơta song ring Kơnràñ dê la dờng be ală mơnơm, Ală bơta cahrña Kơnràñ dê la jrô be cìr jrô ngan. Ơ Yàng Jehôwa, Kơnràñ dong tă jơi kòn mơnus mơ phan poan jơng.

Lik Ejiptơ 14:21

Gen Môise pò tê hơđang dàlềng, mơ tòm mang hơ̆ Yàng Jehôwa sồr dô ròs càl đah mattơngai lik khồm pràn chồl dàlềng ruc wơl, dà tòmcah is mơ gơs ù rañ rsơh.

Lik Ejiptơ 15:10

Mơya Kơnràñ neh ai nhơm khồm bol khai roh thit, dàlềng neh bồr bol khai. Bol khai gơkram kung be dô pơnai trà, tòm kơnàng dàlềng pràn ngan.

Lik Ejiptơ 2:24

Yàng Tom Trồ neh kơno jơnau pơt wòl bol khai dê mơ Kơnràñ kah wơl bơta ho pơgon mơ Abraham, Isak mơ Jakôp.

Jơnau Pơnđik 25:23

Càl tồ đah đang tơnggơs mìu; ai lơmpiat đơs òm ndơp ndơr lơh muh mat in gơhào gơjrañ.

Esai 44:27

la Bơtau đơs mơ dà jrô lah: ‘Ro rañ tĕ, Añ rơp lơh soat ală croh dà;’

Jeremi 50:38

Bơta rañ rsơh tòmdră mơ ală hiòng dà, bol gơ rơp kong soat jơh! Bơh gơ la dô lơgar ală rùp ràk dê, Bol khai bơh rùp ràk mơ gơlik lu sơnrang.

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Jôna 4:11

Mơya Ninibe gơs rlau mơ dô rhiang bàr jơt rbô nă cau ò đal git tê ma mơ tê kiau, bal mơ oă ngan ò git nđò phan poan jơng. Añ ò di ò ơn nùs pơlai bơh dô nơm ƀòn dờng behơ̆ ò ơ?”

Nahum 1:4

Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Sacari 10:11

Bol khai rơp tiă rlau dàlềng kalke bòl glar; mơ ryà dàlềng rơp kong pòng tơmù; mơ jơh ală tiah jrô hiòng Nil dê rơp soat rañ. Bơta pơnhừ să Asiri dê rơp kong tơmù, mơ gai gơnoar Ejiptơ dê rơp ò gam tai.

Khà Làng Bol 10:9

Tòm tŭ bol mê lik lòt tòmlơh tòm lơgar tòm bol mê dê tòmdră mơ cau sò tơm rồn bơklơn bol mê gen uh tĕ ală kơlwòk ntas dờng. Gen Jehôwa Yàng Tom Trồ bol mê dê rơp kah wơl bol mê mơ dong tă bol mê bơh di ală cau sò tơm bol mê dê.

Khà Làng Bol 22:32

Cau gơnrơh Yàng Jehôwa dê lùp khai lah: “Ñchi bơh tài mê neh pù alàng mê dê tòm pe dơ̆ taih? Añ neh tus tềng do nàng kơryan mê tài bơh gùng lòt mê dê la dô nơm gùng roh rui di đap mê.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

Yal Tơlik 18:5

bơh ală tồi glài khai dê neh gơ ngŏ tus hơ trồ, mơ Yàng Tom Trồ neh kah ală bơta tồi glài iơh bơsak khai dê.

I Samuel 1:19

Àng drim hìng, bol khai guh gòñ mơ duh khoai di đap Yàng Jehôwa, gen bol khai rê wơl hơ hìu bol khai dê tòm Ramathaim. Elkana ơm bal mơ bau khai la Anne, mơ Yàng Jehôwa kah wơl Anne.