Sơnròp Gơlik Gơs 7:5 - Sră Goh 2018

⁵ Gen Nôe lơh jat kòp bơta Yàng Jehôwa neh sồr khai.

Sơnròp Gơlik Gơs 7:5 ပူးပေါင်းရင်းမြစ်များ

Sơnròp Gơlik Gơs 6:22

Nôe lơh ală broă do be jơnau Yàng Tom Trồ neh sồr.

Sơnròp Gơlik Gơs 7:16

dam mơ me jơh ală poac să dê mut tòm ơhò, be jơnau Yàng Tom Trồ neh sồr gen Yàng Jehôwa til mpồng ơhò.

Đơs Crih 119:6

Gen añ rơp ò gơkòl ƀàssìl, Bơh añ sền song di ală bơta sồr lam Kơnràñ dê.

Lik Ejiptơ 39:32

Behơ̆, jơh ală broă bơt bơtào Hìu Ing Duh Khoai, la Sàl Tòm Mat, neh lơh sir rau. Làng bol Israel lơh jơh ală bơta tòm toh jat be ală jơnau Yàng Jehôwa neh sồr Môise.

Lik Ejiptơ 40:16

Môise lơh jơh ală bơta tòm toh jat be Yàng Jehôwa neh sồr khai.

Lik Ejiptơ 7:6

Môise mơ Arôn lơh jat tòm toh be jơnau Yàng Jehôwa neh sồr bol khai.

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Luka 8:21

Mơya Kơnràñ ho mơ bol khai lah: “Mè Añ mơ oh mi Añ jê hơ̆ la ală cau kơno jơnau Yàng Tom Trồ dê mơ lơh jat.”

Jang 13:17

Dilah bol mê git ală bơta do mơ lơh jat, gen geh lơngai.

Jang 2:5

Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.”

Philip 2:8

Kơnràñ neh gơs rùp să be dô nă cau, gen pìn pơndêt is să he, dòn bơr jơl chơt, tian gơs chơt hơđang chi pơng.

Hebrơ 5:8

Bulah Kơnràñ la Kòn Yàng Tom Trồ, kung neh bơtê dòn bơr bơh ală bơta bòl glar jê sồt Kơnràñ neh kong,