Sơnròp Gơlik Gơs 7:23 - Sră Goh 2018

²³ Kơnràñ tơnroh jơh ală phan kis ơm hơđang ù, bơh kòn mơnus tus dê phan poan jơng tòm hìu, phan wìn nsròng, mơ sềm hơđang trồ bol gơ chơt roh bơh dê ù, gam mìng Nôe mơ ală jơi ơm bal mơ khai tòm ơhò.

Sơnròp Gơlik Gơs 7:23 ပူးပေါင်းရင်းမြစ်များ

Sơnròp Gơlik Gơs 6:17

Mơ Añ, Añ rơp lam dà kŏ làm jơh hơđang ù nàng tơnroh ală poac să gơs nhơm kis tòm tiah trồ; jơh ală phan ơm hơđang ù gơ rơp chơt jơh.

Sơnròp Gơlik Gơs 8:18

Behơ̆, Nôe mơ bau khai, ală kòn klau mơ ală ƀan khai lik bơh dê ơhò.

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Đơs Crih 91:1

Cau lơi kìng crŭ să he tòm Bơtau Hơđang Rlau Jơh, Mơ ơm sùm tòm tiah mƀur Bơtau Gơnap Gơnoar Làm Jơh dê,

Đơs Crih 91:7

Rơp gơs dô rbô nă cau gơpừ chơt di gah mê, Hala dô tơlak nă cau chơt di gah ma mê, Mơya bơta sơbơng roh hơ̆ rơp ò tus rềp di mê ò.

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

I Pier 3:20

hơ̆ la ală cau ò dòn bơr tòm rài yau, tòm tŭ Yàng Tom Trồ kong ơt gơn tòm rài Nôe tòm tŭ khai pơng ơhò; tòm ơhò hơ̆ gơs mìng dô êt cau, la phàm nă lơm, geh dong klàs bơh dà.

II Pier 2:5

Dilah Kơnràñ ò pơlai dunnia yau òr, mìng sền gàr Nôe la cau bơto yal jơnau song ring bal mơ poh nă cau ndai, tòm tŭ Kơnràñ sồr dà kŏ tus tòm dunnia ò duh rngòt hơ̆.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

II Pier 3:6

Kung bơh dà mơ dunnia tòm rài hơ̆ neh kong dà kŏ tơnroh.