Sơnròp Gơlik Gơs 7:14 - Sră Goh 2018

¹⁴ Bol khai mơ ală phan poan jơng tòm brê pơnjat be jơi gơ, phan poan jơng tòm hìu pơnjat be jơi gơ, sềm mơ jơh ală phan lơi gơs đar jat be jơi gơ,

Sơnròp Gơlik Gơs 7:14 ပူးပေါင်းရင်းမြစ်များ

Sơnròp Gơlik Gơs 1:21

Yàng Tom Trồ crơng gơs ală ka dờng, ală phan kis mơ wañ kơnòm dê dà mơ tơnggơs gơlik lìu làc, pơnjat be jơi gơ, mơ ală sềm par pơnjat be jơi gơ. Yàng Tom Trồ gŏ bơta hơ̆ la niam.

Sơnròp Gơlik Gơs 1:24

Yàng Tom Trồ đơs tai lah: “Ù tơnggơs tĕ ală phan kis pơnjat be jơi gơ, ală phan poan jơng tòm hìu, ală phan wìn nsròng, mơ ală phan poan jơng hơđang ù pơnjat be jơi gơ,” gen gơs behơ̆.

Sơnròp Gơlik Gơs 6:19

Mơ ală phan kis, mê rơp lam gơ mut tòm ơhò kòp jơi dô yô, gơs dam gơs me nàng ơm bal mơ mê tồ mê in sền gàr bơta kis gơ dê.

Sơnròp Gơlik Gơs 7:13

Tòm dô ngai hơ̆, Nôe, Sem, Cam mơ Japhet la ală kòn klau khai dê, mơ bau Nôe dê mơ pe nă bau ală kòn klau khai dê mut bal tòm ơhò.

Sơnròp Gơlik Gơs 7:15

kòp yô jơh ală jơi poac să gơs nhơm kis jat Nôe mut tòm ơhò,