Sơnròp Gơlik Gơs 7:11 - Sră Goh 2018

¹¹ Tòm nam prau rhiang rài Nôe dê, kơnhai bàr tòm ngai jơt poh kơnhai hơ̆ tòm toh dê ngai hơ̆ tơrlah ală tồ dà cat cìr mơnồng dờng mơ ală tơrnil dà hơđang trồ pò tơlik.

Sơnròp Gơlik Gơs 7:11 ပူးပေါင်းရင်းမြစ်များ

Sơnròp Gơlik Gơs 1:7

Kơnràñ lơh gơs pah gòi mơ cah is dà tòm tiah hơđơm pah gòi mơ dà hơđang pah gòi, gen gơs behơ̆.

Sơnròp Gơlik Gơs 6:17

Mơ Añ, Añ rơp lam dà kŏ làm jơh hơđang ù nàng tơnroh ală poac să gơs nhơm kis tòm tiah trồ; jơh ală phan ơm hơđang ù gơ rơp chơt jơh.

Sơnròp Gơlik Gơs 7:6

Tòm tŭ gơs dà kŏ hơđang ù, Nôe neh tơl prau rhiang nam.

Sơnròp Gơlik Gơs 8:14

Tòm ngai bàr jơt poh kơnhai bàr, ù neh rañ rsơh rau.

Sơnròp Gơlik Gơs 8:2

Ală dà cat bơh cìr mơnồng mơ ală tơrnil dà hơđang trồ til wơl, mìu bơh trồ ò dùh tai.

II Ală Bơtau 7:19

gen cau kwang at bồ neh đơs mơ cau Yàng Tom Trồ lah: “Bulah Yàng Jehôwa lơh gơs ală mpồng dềt hơđang trồ, bơta hơ̆ rơp geh gơlik gơs ơ?” Gen Elise pơnjat lah: “Mat mê rơp gŏ bơta hơ̆, mơya mê ò geh sa gơ.”

II Ală Bơtau 7:2

Gen cau kwang sền gàr la cau mơ bơtau sơnđìng dê tê khai đơs mơ cau Yàng Tom Trồ lah: “Bulah Yàng Jehôwa lơh ală mpồng dềt hơđang trồ, bơta hơ̆ rơp gơlik gơs sơl ơ?” Mơya Elise đơs lah: “Mê rơp sền gŏ mơ mat mê, mơya mê ò geh sa gơ.”

Sră Jop 12:15

Dilah Kơnràñ bơt dà wơl, gen gơ soat; Dilah Kơnràñ sồr gơlik, gen gơlik dà kŏ hơđang ù.

Sră Jop 28:4

Bol khai tò tòm thòng ngài bơh tiah ơm kòn mơnus dê, ală cau lòt gùng neh hŭi tiah hơ̆; Bol khai gơyồng yàt ngài bơh tiah cau ơm.

Sră Jop 38:16

Gơs tŭ lơi mê lòt tus hơ tồ dàlềng dê. Hala cơnđòa lòt tòm tiah kơnàng jrô sơl?

Sră Jop 38:37

Ñcau gơs bơta jak chài nàng kòp ală mhwal? Mơ ñcau rgơi sơrkềng lềng dà ală tap trồ dê

Đơs Crih 33:7

Kơnràñ pơjum ală dà tòm dàlềng kung be ơn tòm khàr; Kơnràñ prap ală dà jrô tòm tiah prap lòi.

Đơs Crih 74:15

Kơnràñ lơh dà cat mơ dà croh in gơ nsoac dà, Mơ lơh ală hiòng dà dờng in gơlik rañ rsơh.

Jơnau Pơnđik 3:20

Bơh bơta git jak Kơnràñ dê, ală tiah jrô pò tơlik, Mơ ală mhwal gơdùh dà tŭ.

Esai 24:18

Cau lơi dô bơh jơnau rngòt rngơt dê gen rơp dùh tòm trồm jrô; cau lơi hào guh bơh di trồm jrô gen rơp yar dă. Bơh ală mpồng dềt trồ dê neh gơ pò, ală mơnàng plai ù gơlơnggơr.

Esai 24:19

Plai ù neh bơcah jơh hir, plai ù neh tơrlah tơrlơm rpot rpet, plai ù neh gơlơnggơr dờng ngan.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jeremi 51:16

Tòm tŭ Kơnràñ ai jơnau đơs, ală dà tòm ală tap trồ nggồr. Kơnràñ lơh kơnhồl dà guh bơh ală tiah lồi plai ù, Lơh puhlèp jat mìu, Bơh tòm đam Kơnràñ tơlik càl.

Ejekiel 26:19

Jehôwa Yàng Tom Trồ đơs be do: “Tòm tŭ Añ lơh mê in gơlik gơs dô nơm ƀòn dờng sang lòi srau gòi, kung be ală ƀòn dờng ò gơs cau ơm; tòm tŭ Añ ai ală tiah jrô dàlềng dê mơ ală dà dờng gơ dê bồr hơđang mê,

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Mathiơ 24:38

Be tòm ală ngai lài mơ dà kŏ, cau kư̆ ñô sa, lap klau tòmbau ùr tus di ngai Nôe mut tòm ơhò,

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

II Pier 3:6

Kung bơh dà mơ dunnia tòm rài hơ̆ neh kong dà kŏ tơnroh.