Sơnròp Gơlik Gơs 6:9 - Sră Goh 2018

⁹ Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

Sơnròp Gơlik Gơs 6:9 ပူးပေါင်းရင်းမြစ်များ

Sơnròp Gơlik Gơs 10:1

Do la jơi bơtiàn Sem, Cam mơ Japhet, pe nă kòn klau Nôe dê, bol khai tơnggơs kòn sau, tơnơ̆ mơ tŭ dà kŏ.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 2:4

Hơ̆ la tòm ryas ală trồ mơ tiah tòm tŭ neh crơng gơs rau. Tòm ngai Jehôwa Yàng Tom Trồ crơng gơs trồ mơ tiah,

Sơnròp Gơlik Gơs 48:15

Gen khai ai lơngai Jôsep mơ lah: “Dan Yàng Tom Trồ ồng pàng añ jê la Abraham mơ Isak neh duh khoai, la Yàng Tom Trồ neh ròng gàr añ bơh tŭ deh jơl tus di ngai do,

Sơnròp Gơlik Gơs 5:1

Do la sră cih sơnđan jơi bơtiàn Adam dê. Tòm tŭ Yàng Tom Trồ crơng gơs jơi kòn mơnus gen Kơnràñ lơh jơi kòn mơnus in be rùp Yàng Tom Trồ.

Sơnròp Gơlik Gơs 5:22

Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr.

Sơnròp Gơlik Gơs 5:24

Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

Sơnròp Gơlik Gơs 6:10

Nôe tơnggơs pe nă kòn klau la Sem, Cam mơ Japhet.

Sơnròp Gơlik Gơs 7:1

Yàng Jehôwa đơs mơ Nôe lah: “Mê mơ jơh hìu nhă mê mut tĕ tòm ơhò, bơh tòm rài do Añ gŏ mê la song ring di đap Añ.

II Samuel 22:24

Añ ò gơs tiah geh lah pơrhơng di đap Kơnràñ, mơ neh prap gàr să tòm añ klàs bơh di tồi glài.

I Ală Bơtau 3:6

Salômôn ho lah: “Yàng neh yal tơlik bơta kòñ gơboh kơ̆ dơn dờng ngan gơwèt mơ cau duh broă Kơnràñ la Dabit bèp añ, tài bơh khai neh lơh lòt di đap Kơnràñ dô bă dòn song, mơ gơs nùs song ring mơ song ngan; mơ Kơnràñ neh prap khai in bơta kòñ gơboh kơ̆ dơn dờng hơ̆, mơ neh ai khai in dô nă kòn klau nàng nggui hơđang sơbàn khai dê tòm ngai do.

II Yal Yau 15:17

Mơya ală tiah jơnhoa duh khoai òhềt tă sang bơh di Israel, bulah behơ̆ nùs Asa dê song ngan tòm jơh rài kis khai dê.

II Yal Yau 25:2

Khai lơh bơta di niam di đap mat Yàng Jehôwa, mơya òhềt jơh nùs song ngan.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 1:8

Yàng Jehôwa lùp Satan tai lah: “Mbe mê sền gŏ Jop la cau duh broă añ jê taih? Hơđang plai ù ò gơs dô nă cau lơi be khai, wil tơl mơ song ring, duh rngòt di Yàng Tom Trồ, mơ pleh ngài di bơta iơh bơsak.”

Sră Jop 12:4

Añ la bơta dơñŏ tơnhial ală cau bơyô añ jê; Añ neh hòi guh tus hơ Yàng Tom Trồ, mơ Kơnràñ ho wơl añ; Dô nă cau song ring mơ ò gơs tiah geh lah pơrhơng, añ neh gơkòl cau dơñŏ tơnhial!

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Đơs Crih 37:39

Bơta dong klàs cau song ring dê tus bơh Yàng Jehôwa; Kơnràñ la tiah kìng crŭ bol khai dê tòm tŭ bòl glar.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Cau Bơto 7:20

Ngan, ò gơs cau song ring lơi ơm hơđang ù lơh bơta niam, mơ ò tìs glài.

Ejekiel 14:14

bulah tòm lơgar hơ̆ gơs pe nă cau do la Nôe, Daniel, mơ Jop, bol khai kung mìng rgơi dong klàs să tòm bol khai bơh bơta song ring bol khai dê,” Jehôwa Yàng Tom Trồ đơs behơ̆.

Ejekiel 14:20

gen Jehôwa Yàng Tom Trồ đơs lah, ngan kung be Añ kis, bulah tòm lơgar hơ̆ gơs Nôe, Daniel mơ Jop, bol khai kung ò rgơi dong klàs kòn klau hala kòn ùr bol khai dê, mìng rgơi dong klàs să tòm bol khai lơm, bơh bơta song ring bol khai dê.

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 2:25

Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Luka 23:50

Gơs dô nă cau sơnđan la Jôsep, la cau tòm mpồl kwang tơrña, la cau lơbơn niam mơ song ring,

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

Galati 3:11

Mơ tai, ò gơs cau lơi kơnòm di bơta boh lam nàng geh kòp la song ring di đap Yàng Tom Trồ ò, bơta hơ̆ la loh làng ngan, bơh “cau song ring rơp kis bơh bơta dòn.”

Yal Wơl 18:13

Bol mê pal ò gơs tiah geh lah pơrhơng di đap Jehôwa Yàng Tom Trồ bol mê dê.

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

II Pier 2:5

Dilah Kơnràñ ò pơlai dunnia yau òr, mìng sền gàr Nôe la cau bơto yal jơnau song ring bal mơ poh nă cau ndai, tòm tŭ Kơnràñ sồr dà kŏ tus tòm dunnia ò duh rngòt hơ̆.