Sơnròp Gơlik Gơs 6:7 - Sră Goh 2018

⁷ Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Sơnròp Gơlik Gơs 6:7 ပူးပေါင်းရင်းမြစ်များ

Sơnròp Gơlik Gơs 6:6

Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

Sơnròp Gơlik Gơs 7:21

Mơ jơh ală poac să kis hơđang ù gen chơt jơh, sềm, phan poan jơng tòm hìu, jơh phan wìn nsròng mơ jơh kòn mơnus.

Sơnròp Gơlik Gơs 7:4

Mơ gam poh ngai tai, Añ rơp ai dùh mìu tòm ù tòm poan jơt ngai mơ poan jơt mang, Añ rơp tơnroh bơh di ù jơh ală phan kis Añ neh crơng gơs.”

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Đơs Crih 37:20

Ai cau iơh bơsak rơp roh rui; Ală cau sò tơm di Yàng Jehôwa rơp be bơkào mơ ñhơt hàng mơnĕ tòm ƀlàng, Bol khai roh thit, lề roh be ñhŭ.

Jơnau Pơnđik 10:27

Bơta duh rngòt Yàng Jehôwa bơtơl bơta kis; Ai sơnam kis cau iơh rơp kong koh pơndut.

Jơnau Pơnđik 16:4

Yàng Jehôwa crơng gơs ală jơi phan gơs tơnggume broă gơ dê; Tian gơs cau iơh, prap lòi ngai rung rài in.

Esai 27:11

Tòm tŭ ală ntê ro neh pă, ală cau ùr tus dòñ nàng sing ồs. Bơh do la dô nơm làng bol ò git wă, gen tàng Bơtau neh crơng gơs bol khai ò kòñ nđàc di bol khai, Bơtau neh mòn gơs bol khai ò yal tơlik bơta nđàc bol khai in.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Amôs 7:3

Behơ̆ Yàng Jehôwa tơmù nùs bơh bơta do, Yàng Jehôwa đơs lah: “Bơta hơ̆ rơp ò gơlik tus.”

Amôs 7:6

Behơ̆ Yàng Jehôwa tơmù nùs bơh bơta do. Jehôwa Yàng Tom Trồ đơs lah: “Bơta hơ̆ kung rơp ò gơlik tus.”

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Sôphôni 1:2

Yàng Jehôwa đơs: “Añ rơp pơs jơh ală bơta bơh di plai ù,”

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

Yal Wơl 29:20

Yàng Jehôwa rơp ò tŭ lơi kòñ toh glài khai; bơh bơta gơjrañ dờng mơ bơta duh hul Kơnràñ dê rơp chu pơrguc tòmdră mơ bol khai. Jơh ală jơnau srat sơntơm neh cih tòm sră do rơp dùh hơđang bol khai, mơ Yàng Jehôwa rơp jùt sang sơnđan mat bol khai dê bơh hơđơm trồ.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.