Sơnròp Gơlik Gơs 6:6 - Sră Goh 2018

⁶ Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

Sơnròp Gơlik Gơs 6:6 ပူးပေါင်းရင်းမြစ်များ

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

II Samuel 24:16

Tòm tŭ cau gơnrơh pò tê nàng tơnroh Jerusalem, Yàng Jehôwa moat jrùng bơh bơta rung rài hơ̆, gen đơs mơ cau gơnrơh lơh tơnroh làng bol lah: “Tơl rau! Dơh wơl tĕ tê mê dê.” Tŭ hơ̆ cau gơnrơh Yàng Jehôwa dê ơm di làn jă kòi Arauna, cau Jebusit dê.

I Yal Yau 21:15

Mơ Yàng Tom Trồ sồr dô nă cau gơnrơh tus tơnroh Jerusalem; mơya tòm tŭ cau gơnrơh tơnroh gơ, gen Yàng Jehôwa gŏ bơta hơ̆ mơ tơmù nùs bơh bơta rung rài, Kơnràñ đơs mơ cau gơnrơh ơm tơnroh lah: “Tơl rau! Dơh tĕ tê mê dê.” Cau gơnrơh ơm ntào di làn jă kòi Arauna la cau Jebusit.

Đơs Crih 106:45

Bơh bol khai mơ Kơnràñ kah wơl bơta ho bal Kơnràñ dê, Mơ kòñ nđàc bol khai jat bơta kòñ gơboh kơ̆ dơn tơngkah tơngkañ Kơnràñ dê.

Đơs Crih 110:4

Yàng Jehôwa neh srat să, mơ rơp ò tòmgơl nùs: “Mê la cau gơnoar ơn phan duh khoai gam sùm sùm, jat mpồl Melcijedek.”

Đơs Crih 119:158

Añ sền di cau ò dòn, mơ cù kìr di bol khai, Tài bơh bol khai ò prap gàr bơta sồr lam Yàng dê.

Đơs Crih 78:40

Ò git nđò dơ̆ bol khai sòdră mơ Kơnràñ tòm ƀlàng ngềt ngơt, Mơ lơh Kơnràñ in moat jrùng jê sồt tòm ƀlàng bràs.

Đơs Crih 81:13

Ô! Kơp kòñ làng bol Añ jê iat jơnau Añ, Kơp kòñ Israel lòt tòm ală gùng dà Añ jê!

Đơs Crih 95:10

Tòm poan jơt nam Añ cù kìr di jơi bơtiàn hơ̆, Mơ Añ đơs lah: “Bol khai la dô nơm làng bol gơs nùs tìs nrah, Bol khai ò kơlôi wèt di ală gùng dà Añ jê.”

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Esai 48:18

Ơ hơh kơp kòñ bol mê mìng ơn nùs tồr di ală jơnau sồr Añ jê, gen bơta pas gơs bol mê dê rơp kung be dô nơm hiòng dà, bơta cồng nha bol mê dê rơp be ală ryà dàlềng.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Jeremi 18:7

Tòm dô tŭ, Añ đơs bơh dô nơm làng bol, dô nơm lơgar ne lah Añ rơp dus, lơh bơcah, tơnroh gơ;

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Malaci 3:6

“Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Rôma 11:29

bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

Hebrơ 3:10

Gen tàng Añ neh gơjrañ di jơi bơtiàn do, Mơ đơs lah: ‘Tòm nùs bol khai tìs nrah sùm, Mơ ò đal git gùng dà Añ jê.’

Hebrơ 3:17

Yàng Tom Trồ neh gơjrañ mañ di ñcau tòm poan jơt nam taih? Ò di la ală cau neh tìs glài, mơ ƀồc bol khai neh gơpừ tòm ƀlàng ngềt ngơt ò ơ?

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:29

Rlau mơ hơ̆ tai bơta Gơklŏ Israel dê ò ruc wơl mơ tòmgơl nùs Kơnràñ dê, bơh Kơnràñ ò di la kòn mơnus nàng Kơnràñ tòmgơl nùs Kơnràñ dê.”

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.