Sơnròp Gơlik Gơs 6:11 - Sră Goh 2018

¹¹ Tòm tŭ hơ̆ lơgar dunnia la ngkòr ngkàc di đap Yàng Tom Trồ mơ bềng lìu bơta jàñ bơsak.

Sơnròp Gơlik Gơs 6:11 ပူးပေါင်းရင်းမြစ်များ

Sơnròp Gơlik Gơs 10:9

Khai la cau jak mòc khin cha di đap Yàng Jehôwa. Tài bơh hơ̆ gơs jơnau đơs lah: “Be Nimrôt, dô nă cau jak mòc khin cha di đap Yàng Jehôwa!”

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 6:10

Nôe tơnggơs pe nă kòn klau la Sem, Cam mơ Japhet.

Sơnròp Gơlik Gơs 7:1

Yàng Jehôwa đơs mơ Nôe lah: “Mê mơ jơh hìu nhă mê mut tĕ tòm ơhò, bơh tòm rài do Añ gŏ mê la song ring di đap Añ.

II Yal Yau 34:27

‘Tài bơh nùs mê neh rcang sir nàng lơh jat mơ mê neh tơnliah să tòm mê di đap Yàng Tom Trồ tòm tŭ mê neh kơno ală jơnau Kơnràñ neh đơs tòmdră mơ tiah do mơ làng bol gơ dê, mơ tài bơh mê neh tơnliah să tòm mê di đap Añ mơ neh crè ào jrùh mê dê mơ ñìm di đap mat Añ, Añ neh kơno jơnau mê dê, Yàng Jehôwa đơs behơ̆.

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 140:11

Dan bañ lòi cau đơs jơnau blac chừt bơtào tơngguh tòm lơgar; Lòi bơta iơh mhar ting mòc bàn cau kòñ lơh iơh.

Đơs Crih 55:9

Ơ Yàng, dan tơnroh bơta bơyai bol khai dê, mơ lơh sơlồng sơlàng jơnau đơs bol khai dê, Bơh añ gŏ bơta iơh rhung rhang mơ bơta tòmpìt tòmhà tòm ƀòn dờng.

Lik Ejiptơ 32:7

Gen Yàng Jehôwa đơs mơ Môise lah: “Mù tĕ, tài bơh làng bol mê dê, la làng bol mơ mê neh tă cèng lik klàs bơh di Ejiptơ neh gơlik ƀơ̆ iơh rau.

Esai 60:18

Bơta jàñ bơsak rơp ò gam kơno tai tòm lơgar mê dê, mơ bơta phà tơrlah hala bơta tơnroh kung rơp ò tai gơlik tus tòm nhàr lơgar mê dê, mơya mê rơp sơnđan ală dơrñang mê dê la “Bơta Dong Klàs” mơ ală mpồng dờng mê dê la “Bơta Jòng Ro.”

Jeremi 6:7

Kung be tơrlung dà prap dà mrềt pa be lơi, Gen gơ kung prap ală bơta iơh bơsak pa behơ̆ sơl. Bơta iơh bơsak mơ bơta phà tơnroh geh kơno tòm hơ̆; Kòp jê mơ sồt rmàñ ơm sùm di đap Añ.

Ejekiel 28:16

Kơnòm di bơta kă bro tơngkah tơngkañ mê dê, mê gơs bềng bơta jàñ bơsak, mơ mê neh tìs glài. Behơ̆ gen Añ neh sơrbì mê be dô nơm phan kòl sền òsơp bơh di mơnơm Yàng Tom Trồ dê, mơ mê la ceruƀim cau sền gàr kong bơtrơh bơh digùl ală pơnai lŭ ồs dê.

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Habakuk 1:2

Ơ Yàng Jehôwa! Nđò jŏ añ rơp dan Yàng dong kòl, mơ Kơnràñ rơp ò iat taih? Hala nđò jŏ tai añ hòi dan mơ Yàng bơh bơta “Jàñ bơsak!” mơ Kơnràñ ò dong tă taih?

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Habakuk 2:8

Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Yal Wơl 31:29

Bơh añ git lah tơnơ̆ mơ tŭ añ neh chơt rau gen ngan la bol mê gơlik gơs iơh rmơh mơ pơrlac sang gùng dà mơ añ neh bơto sồr bol mê. Tòm ală ngai rơp tus, oă bơta rung rài rơp dùh hơđang bol mê tài bơh bol mê rơp lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ bơh ală broă tê bol mê neh lơh.”

Ală Kwang Cahrña 2:19

Mơya tòm tŭ cau kwang cahrña chơt gen làng bol rê wơl tòm ală gùng iơh rlau mơ gùng ală ồng pàng bol khai dê, lòt jat ală yàng ndai, duh broă mơ duh khoai bol gơ. Bol khai ò bài sang lòi broă iơh bol khai dê mơ gùng kră kơldang.