Sơnròp Gơlik Gơs 50:11 - Sră Goh 2018

¹¹ Tŭ làng bol Kanaan, hơ̆ la làng bol lơgar hơ̆, gŏ bơta ñìm di làn jă kòi Athat, gen đơs lah: “Hơ̆ la dô bơta ñìm rac ròc dờng ngan làng bol Ejiptơ dê!” Tài bơh hơ̆, cau sơnđan làn hơ̆ la Abel Misraim, đah ne hiòng Jordan.

Sơnròp Gơlik Gơs 50:11 ပူးပေါင်းရင်းမြစ်များ

Sơnròp Gơlik Gơs 13:7

Cau ê Abram dê pơndang tòmpìt bal mơ cau ê Lot dê, tòm tŭ hơ̆ gơs cau Kanaan mơ cau Pherijit ơm tòm lơgar hơ̆.

Sơnròp Gơlik Gơs 24:6

Abraham ho lah: “Kơrhia tĕ, bañ lam kòn añ rê hơ lơgar hơ̆!

Sơnròp Gơlik Gơs 34:30

Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.”

Sơnròp Gơlik Gơs 50:10

Dơ̆ bol khai tus di làn jă kòi Athat, đah ne hiòng Jordan, gen bol khai ñìm dô bơta ñìm rac ròc tềng hơ̆, gen Jôsep lơh dô bơta ñìm rac bèp khai in tòm poh ngai.

Sơnròp Gơlik Gơs 50:12

Behơ̆, ală kòn klau Jakôp lơh jat ală jơnau bèp bol khai neh nting bơr,

Yal Wơl 11:30

Be bol mê git, ală mơnơm do ơm đah ne Jordan, đah mattơngai mut gùng lòt, rềp di tòm chi dờng Môre, tòm lơgar cau Kanaan ơm tòm Arabah tòm toh mơ Gilgal.

Yal Wơl 3:25

Dan ai añ in tiă mơ sền gŏ lơgar niam đah ne Jordan la lơgar mơnơm mơ Liban hàng mơnĕ.”

Yal Wơl 3:27

Lòt guh tĕ hơđang bồ mơnơm Pisga, mơ wèt sền đah mattơngai mut mơ đah đang, đah đơm mơ đah mattơngai lik. Sền gŏ tĕ lơgar mơ mat tòm mê dê, tài bơh mê rơp ò tiă Jordan do.

I Samuel 6:18

Mơ ntum khà ală đe lơh mơ màh la jat be khà ală ƀòn dờng Philistin dê gơrê bal mơ pram nă cau kwang at bồ, hơ̆ la ală ƀòn dờng kơ̆ cê bal mơ ală ƀòn dềt tòm lơgar. Pơnai lŭ dờng hơđang hơ̆ cau neh tơmù Đài Yàng Jehôwa dê la dô nơm cơng tàng tus di ngai do tòm ƀlàng sre Jôsue cau Bet Semes dê.