Sơnròp Gơlik Gơs 5:29 - Sră Goh 2018

²⁹ Khai tơmoh sơnđan la Nôe mơ đơs lah: “Cau do rơp pơndòm pơniang nùs bol he tài bơh broă bòl glar mơ tê bol he pal lơh tài bơh ù Yàng Jehôwa neh srat sơntơm.”

Sơnròp Gơlik Gơs 5:29 ပူးပေါင်းရင်းမြစ်များ

Sơnròp Gơlik Gơs 5:28

Lemek neh tơl dô rhiang phàm jơt bàr nam, tơnggơs dô nă kòn klau.

Sơnròp Gơlik Gơs 5:30

Tơnơ̆ mơ tŭ Lemek tơnggơs Nôe rau, gen khai gam kis pram rhiang sin jơt pram nam, tơnggơs kòn klau kòn ùr.

Sơnròp Gơlik Gơs 7:23

Kơnràñ tơnroh jơh ală phan kis ơm hơđang ù, bơh kòn mơnus tus dê phan poan jơng tòm hìu, phan wìn nsròng, mơ sềm hơđang trồ bol gơ chơt roh bơh dê ù, gam mìng Nôe mơ ală jơi ơm bal mơ khai tòm ơhò.

Sơnròp Gơlik Gơs 9:24

Dơ̆ Nôe kah rngal bơh bơñul ñô, mơ git bơta kòn put neh lơh khai in.

Esai 54:9

“Gơwèt mơ Añ, bơta hơ̆ kung be ală ngai tòm rài Nôe, tòm tŭ Añ srat să ho nền lah dà kŏ tòm rài Nôe rơp ò tŭ lơi ngŏ hơđang ù tai. Behơ̆ tŭ do Añ srat să ho nền lah Añ rơp ò gơjrañ di ai tai, mơ rơp ò tŭ lơi lah pơrhơng ai tai.

Ejekiel 14:14

bulah tòm lơgar hơ̆ gơs pe nă cau do la Nôe, Daniel, mơ Jop, bol khai kung mìng rgơi dong klàs să tòm bol khai bơh bơta song ring bol khai dê,” Jehôwa Yàng Tom Trồ đơs behơ̆.

Ejekiel 14:20

gen Jehôwa Yàng Tom Trồ đơs lah, ngan kung be Añ kis, bulah tòm lơgar hơ̆ gơs Nôe, Daniel mơ Jop, bol khai kung ò rgơi dong klàs kòn klau hala kòn ùr bol khai dê, mìng rgơi dong klàs să tòm bol khai lơm, bơh bơta song ring bol khai dê.

Mathiơ 24:37

Tòm rài Nôe be lơi, gen Kòn Mơnus tus wơl kung rơp behơ̆ sơl.

Luka 3:36

Sala kòn Kainam, Kainam kòn Arpaksat, Arpaksat kòn Sem, Sem kòn Nôe, Nôe kòn Lemek,

Rôma 8:20

Ală phan tòm trồ tiah neh kòl dòn duh bơta roh lơm, ò di bơh nùs is gơ dê, mơya bơh nùs kòñ Bơtau neh sồr gơ dòn duh.

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

I Pier 3:20

hơ̆ la ală cau ò dòn bơr tòm rài yau, tòm tŭ Yàng Tom Trồ kong ơt gơn tòm rài Nôe tòm tŭ khai pơng ơhò; tòm ơhò hơ̆ gơs mìng dô êt cau, la phàm nă lơm, geh dong klàs bơh dà.

II Pier 2:5

Dilah Kơnràñ ò pơlai dunnia yau òr, mìng sền gàr Nôe la cau bơto yal jơnau song ring bal mơ poh nă cau ndai, tòm tŭ Kơnràñ sồr dà kŏ tus tòm dunnia ò duh rngòt hơ̆.