Sơnròp Gơlik Gơs 5:22 - Sră Goh 2018

²² Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr.

Sơnròp Gơlik Gơs 5:22 ပူးပေါင်းရင်းမြစ်များ

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 24:40

Cau tòmho lah: ‘Yàng Jehôwa la Bơtau mơ añ lòt di đap, rơp sồr cau gơnrơh lòt bal mơ mê, lơh gơlik gơs broă mê dê, mơ mê rơp tòmbau kòn klau añ in mơ dô nă cau ơruh tòm hìu nhă añ, mơ tòm hìu bèp añ.

Sơnròp Gơlik Gơs 48:15

Gen khai ai lơngai Jôsep mơ lah: “Dan Yàng Tom Trồ ồng pàng añ jê la Abraham mơ Isak neh duh khoai, la Yàng Tom Trồ neh ròng gàr añ bơh tŭ deh jơl tus di ngai do,

Sơnròp Gơlik Gơs 5:21

Enôk neh tơl prau jơt pram nam, tơnggơs Metusela.

Sơnròp Gơlik Gơs 5:23

Behơ̆ Enôk kis pe rhiang prau jơt pram nam.

Sơnròp Gơlik Gơs 5:24

Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Đơs Crih 116:9

Añ lòt di đap Yàng Jehôwa Tòm lơgar cau kis dê.

Đơs Crih 128:1

Lơngai kòp nă cau lơi duh rngòt di Yàng Jehôwa, Mơ lòt tòm gùng dà Kơnràñ dê!

Đơs Crih 16:8

Añ òs lòi Yàng Jehôwa ơm di đap añ; Añ ò gơs tŭ lơi wañ lơnggơh, tài bơh Kơnràñ ơm đah ma añ.

Đơs Crih 26:11

Ai añ, añ cơnđòa lòt tòm bơta song ngan añ jê; Dan tơwài añ mơ nđàc di añ.

Đơs Crih 56:13

Bơh Yàng neh dong tă hwềng soàn añ klàs bơh bơta chơt, Jơng añ klàs di bơta gơtup pừ, Tồ añ in lòt di đap Yàng Tom Trồ tòm bơta àng bơta kis dê.

Đơs Crih 86:11

Ơ Yàng Jehôwa, dan bơto añ in git gùng dà Kơnràñ dê, Nàng añ rơp lòt jat jơnau song Kơnràñ dê; Dan lơh añ in gơs nùs song ngan nàng duh rngòt di sơnđan Kơnràñ.

Lik Ejiptơ 16:4

Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò.

Đơs Chò 1:4

Hwài tĕ añ jat mê; bol he ntoat sơrbac sơrbang lă. Cau bơtau neh cèng añ mut tòm ơdŭ khai dê. Bol he rơp hòn chò hừh hơh mơ mê; Bol he rơp jòng ro bơta kòñ gơboh mê dê bơkah rlau mơ tơrnòm. Ală cau ơruh dềt kòñ gơboh mê la song ngan.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Amôs 3:3

Dilah bàr nă cau lòt bal, mìng tòm tŭ bol khai ò dô nùs bal ngan sơl?

Mice 4:5

Bơh jơh ală làng bol rơp lòt, kòp nă tòm sơnđan ală yàng bol khai dê; Mơya bol he rơp cơnđòa lòt tòm sơnđan Yàng Jehôwa la Yàng Tom Trồ bol he dê jơl sùm sùm ò lồi.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Malaci 2:6

Jơnau bơto sồr song ngan neh ơm tòm bơr khai, ò gơs dô jơnau lơi tìs tòm bơr khai dê, mơ ò gơs dô jơnau lơi tìs geh jòi bàn tòm sơndồi khai dê. Khai neh cơnđòa lòt bal mơ Añ tòm bơta song ngan mơ song ring, mơ neh lơh oă cau in pơrlac sang bơta tồi glài.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

I Kôrintô 7:17

Mìng kòp nă cau pal lơh lòt jat bơta nđàc Yàng neh pà he in, mơ jat be Yàng Tom Trồ neh hòi sac. Hơ̆ la jơnau sơnio lam añ neh bơto tòm ală Hìu Jum Goh.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Ephesô 5:15

Behơ̆ kơrhia tĕ bơh bơta lơh lòt oh mi dê, bañ lơh be cau ò jak chài, mơya lơh be cau jak chài.

Yal Wơl 13:4

Jehôwa Yàng Tom Trồ la Bơtau bol mê pal lòt jat, mìng Kơnràñ bol mê pal rngòt, gơnoar sồr Kơnràñ dê bol mê pal prap, jơnau đơs Kơnràñ dê bol mê pal dòn bơr, bol mê rơp duh broă Kơnràñ, mơ ơm kơ̆ mơ Kơnràñ.

Yal Wơl 28:9

Yàng Jehôwa rơp bơt bơtào kơ̆ bol mê lơh gơs làng bol sàng goh Kơnràñ dê, tòm toh be Kơnràñ neh srat să ho pơgon mơ bol mê dilah bol mê prap gàr ală jơnau sồr Jehôwa Yàng Tom Trồ bol mê dê mơ lòt jat ală gùng dà Kơnràñ dê.

Yal Wơl 5:33

Lòt tĕ tòm jơh ală gùng dà mơ Jehôwa Yàng Tom Trồ bol mê dê neh sồr bol mê tồ bol mê in geh kis, geh bơtoah bơtoài mơ geh ơm jŏ jòng tòm lơgar mơ bol mê rơp dòp geh.”

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.