Sơnròp Gơlik Gơs 5:2 - Sră Goh 2018

² Kơnràñ crơng gơs cau klau mơ cau ùr, ai lơngai lơngò bol khai in, mơ tòm tŭ neh crơng gơs gen sơnđan la kòn mơnus.

Sơnròp Gơlik Gơs 5:2 ပူးပေါင်းရင်းမြစ်များ

Sơnròp Gơlik Gơs 1:27

Yàng Tom Trồ crơng gơs kòn mơnus be rùp Kơnràñ, Kơnràñ crơng gơs kòn mơnus be rùp Yàng Tom Trồ, Kơnràñ crơng gơs cau klau mơ cau ùr.

Sơnròp Gơlik Gơs 1:28

Yàng Tom Trồ ai lơngai lơngò bol khai in mơ đơs lah: “Tơnggơs tĕ bơtơl oă, lơh bềng lìu ù tiah, lơh ù in dòn duh, at bồ ală ka tòm dàlềng, ală sềm hơđang trồ, mơ ală phan kis wañ hơđang ù.”

Sơnròp Gơlik Gơs 2:15

Jehôwa Yàng Tom Trồ ơn kòn mơnus tòm suơn Eden nàng rcang gàr suơn.

Sơnròp Gơlik Gơs 2:23

Cau klau đơs lah: “Cau do la ntìng bơh ntìng añ, poac bơh poac añ mơ gơlik gơs. Cau do rơp sơnđan la cau ùr, bơh khai la bơh cau klau mơ gơs.”

Sơnròp Gơlik Gơs 5:3

Mơ tai, Adam neh tơl dô rhiang pe jơt nam deh dô nă kòn klau be rùp khai dê, sơnđan la Set.

Malaci 2:15

Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

Mathiơ 19:4

Kơnràñ ho lah: “Bol mê òhềt sền jơnau neh cih lah, bơh sơnròp Yàng Tom Trồ neh lơh gơs cau klau mơ cau ùr,

Jơnau Niam Jat Mak 10:6

Mơya bơh sơnròp crơng gơs trồ tiah, ‘Yàng Tom Trồ neh lơh gơs mìng dô nă cau klau mơ dô nă cau ùr lơm.’

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,