Sơnròp Gơlik Gơs 49:9 - Sră Goh 2018

⁹ Juda la dô nơm klìu triă, Ơ kòn, mê rê bơh phan mê neh kup geh. Cùn gơltang, kơp brồ be klìu triă brồ dam, Mơ be klìu triă me, ñcau khin pơrlai khai taih?

Sơnròp Gơlik Gơs 49:9 ပူးပေါင်းရင်းမြစ်များ

I Ală Bơtau 10:20

Kung gơs jơt bàr nơm klìu triă ntào, dùl nơm tòm kòp tiah lồi kơnă tòm prau nơm kơnă, ò gơs lơgar lơi lơh sơbàn tòm toh behơ̆.

II Yal Yau 9:18

Sơbàn gơs prau kơnă mơ dô nơm kơrnòl ơn jơng mơ màh gơđềt mơ sơbàn, mơ kòp tiah nggui la tiah ơn tê, mơ bàr nơm klìu triă ntào di gah tiah ơn tê.

Ejekiel 19:5

Tòm tŭ klìu triă me gŏ gơ gơkòl kơryan, mơ bơta gơn kơnòm gơ dê neh roh, gen gơ ai dô nơm klìu triă ndai tòm ală kòn gơ dê mơ lơh gơ in gơlik gơs dô nơm klìu triă brồ dam.

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Sră Ôse 5:4

Broă lơh bol khai dê ò ai gơnoar bol khai rê wơl hơ Yàng Tom Trồ bol khai dê. Nùs nhơm dri tơlàr neh gơs tòm bol khai, bol khai ò git Yàng Jehôwa.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Khà Làng Bol 23:24

Làng bol ñă ntào kung be dô nơm klìu triă me; bol khai tơngguh is bol khai dê kung be dô nơm klìu triă gơ ò bài bic rlô jơl tus di tŭ gơ neh sa loan phan gơ neh kup mơ hùc mhàm ală phan gơ neh kup geh.”

Khà Làng Bol 24:9

Bol khai rlô să mơ bic kung be dô nơm klìu triă, kung be dô nơm klìu triă me, ñcau khin pơrlai gơ taih? Lơngai ală cau lơi in ai lơngai bol mê in, mơ ală cau srat sơntơm bol mê gen rơp kong srat sơntơm!”

I Kôrintô 15:24

Mơ tŭ lồi dut tus, la tŭ Kơnràñ rơp jào lơgar Yàng Tom Trồ in la Yàng Bèp, tơnơ̆ mơ tŭ Kơnràñ neh tơnroh jơh ală gơnoar at bồ, gơnoar pràn mơ gơnap gơnoar.

Yal Wơl 33:20

Bơh Gat khai neh đơs lah: “Lơngai cau in pò ơnàng lơgar Gat dê! Gat ơm kis kung be dô nơm klìu triă, crè tơwòr tê mơ gơltau bồ.

Yal Tơlik 5:5

Gen gơs dô nă tòm ală cau kwang kra đơs mơ añ lah: “Bañ ñìm, ne, Klìu triă jơi bơtiàn Juda, kòn sau Dabit dê, neh pha lin rlau gen rgơi pò sră hơ̆ mơ tă poh nơm ƀang kì gơ dê.”