Sơnròp Gơlik Gơs 48:9 - Sră Goh 2018

⁹ Jôsep đơs lah: “Hơ̆ ală kòn klau añ jê mơ Yàng Tom Trồ neh ai añ in tòm lơgar do.” Israel đơs lah: “Cèng tĕ bol khai hơ do nàng añ ai lơngai bol khai in.”

Sơnròp Gơlik Gơs 48:9 ပူးပေါင်းရင်းမြစ်များ

Sơnròp Gơlik Gơs 27:4

lơh phan sa bơkah jat be añ kòñ sa, gen yò añ in sa, nàng hwềng soàn añ ai lơngai mê in lài mơ tŭ añ chơt.”

Sơnròp Gơlik Gơs 30:2

Jakôp gơhào nùs di Racel mơ đơs lah: “Añ ala Yàng Jehôwa mơ ò ai ai in kòn ơ?”

Sơnròp Gơlik Gơs 33:5

Gen Esau tơnggòr gŏ ală cau ùr mơ ală kòn, gen khai lùp lah: “Ală cau bal mơ mê hơ̆ la ñcau taih?” Khai ho lah: “Hơ̆ la ală kòn mơ Yàng Tom Trồ neh ai cau dĭ bi in.”

Sơnròp Gơlik Gơs 49:28

Ală cau hơ̆ rơp la jơt bàr jơi bơtiàn Israel dê, mơ hơ̆ la ală jơnau bèp bol khai neh đơs tòm tŭ ai lơngai bol khai in, kòp nă dô bơta lơngai is.

I Yal Yau 25:5

Jơh ală cau do la ală kòn klau Heman, cau gơnoar hwơr bơtau dê. Khai geh Yàng Tom Trồ ai ală kòn hơ̆ jat jơnau ho Kơnràñ dê nàng yò tơngguh khai. Yàng Tom Trồ ai Heman in jơt poan nă kòn klau mơ pe nă kòn ùr.

Đơs Crih 127:3

Kòn sau la sre brê tus bơh Yàng Jehôwa, Kòn lik bơh kơndul mè la phan ƀàn Yàng ai.

Esai 8:18

Sền do, añ mơ kòn sau mơ Yàng Jehôwa neh ai añ in, bol hi la ală tềl mơ rùp sơnio tòm Israel bơh Yàng Jehôwa Gơnap Gơnoar Dờng ơm hơđang mơnơm Siôn.

Yal Wơl 33:1

Do la bơta lơngai mơ Môise cau Yàng Tom Trồ dê neh ai lơngai cau Israel in lài mơ tŭ khai chơt.

Hebrơ 11:21

Bơh bơta dòn Jakôp, tòm tŭ mòr chơt, ai lơngai bàr nă kòn klau Jôsep in, sơnđìng să khai di gai jra mơ duh khoai.

I Samuel 1:20

Tòm ală ngai tơnơ̆ hơ̆, Anne bun mơ deh dô nă kòn klau. Khai tơmoh sơnđan kòn hơ̆ la Samuel, mơ đơs lah: “Añ neh dan khai mơ Yàng Jehôwa.”

I Samuel 1:27

Bơh kòn dềt do añ neh hòi dan; mơ Yàng Jehôwa neh ai añ in bơta añ hòi dan mơ Kơnràñ.