Sơnròp Gơlik Gơs 48:5 - Sră Goh 2018

⁵ Tŭ do bàr nă kòn klau mê neh deh tòm lơgar Ejiptơ lài mơ tŭ añ tus, la Epraim mơ Manase, kung rơp gơrê bal mơ añ be Ruben mơ Simeôn hơ̆ sơl.

Sơnròp Gơlik Gơs 48:5 ပူးပေါင်းရင်းမြစ်များ

Sơnròp Gơlik Gơs 46:20

Jôsep neh gơs kòn klau tòm Ejiptơ la Manase mơ Epraim, mơ Asenat, kòn ùr Pôtiphera, cau gơnoar ơn phan duh khoai ƀòn Ôn dê, neh deh khai in.

Sơnròp Gơlik Gơs 48:1

Tơnơ̆ mơ tŭ ală broă hơ̆ neh rlau rau, gơs dô nă cau đơs mơ Jôsep lah: “Do, bèp ồng kòp,” gen Jôsep lam bal mơ khai bàr nă kòn klau khai dê la Manase mơ Epraim.

Sơnròp Gơlik Gơs 48:6

Mơ ală kòn mê tơnggơs tơnơ̆, gơrê đah mơ mê; bol khai rơp geh sơnđan jat sơnđan ală bi bol khai tòm phan jơtài bol khai dê.

Đơs Crih 77:16

Tòm tŭ ală dà gŏ Yàng, ơ Yàng Tom Trồ, Tòm tŭ ală dà neh gŏ Yàng gen gơ rngòt, Ngan, ală cìr jrô gơlơnggơr.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Ejekiel 47:13

Do la jơnau đơs Jehôwa Yàng Tom Trồ dê: Do la nhàr tòm tŭ mê tòmpà lơgar lơh gơs phan jơtài jơt bàr jơi bơtiàn Israel in, gơs bàr pơnah hìu Jôsep in.

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Malaci 3:17

Yàng Jehôwa Gơnap Gơnoar Dờng Làm Jơh đơs lah: “Bol khai rơp gơrê bal mơ Añ, tòm ngai tòm tŭ Añ lơh gơlik gơs, hơ̆ la sre brê krơi is Añ jê. Añ rơp pơlai bol khai kung be mè bèp pơlai ală kòn bol khai dê la cau duh broă bol khai.

Khà Làng Bol 1:10

bơh di ală kòn klau Jôsep: gen bơh di Epraim gơs Elisama kòn klau Ammihut, bơh di Manase gơs Gamaliel kòn klau Phedajur;

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Ephesô 1:5

Bơh bơta kòñ gơboh, Kơnràñ neh lơh nền lài bol he in kơnòm di Yàng Jesu Krist nàng geh kòp la kòn klau kòn ùr, jat be nùs kòñ niam Kơnràñ dê,

Hebrơ 11:21

Bơh bơta dòn Jakôp, tòm tŭ mòr chơt, ai lơngai bàr nă kòn klau Jôsep in, sơnđìng să khai di gai jra mơ duh khoai.

Jôsue 13:7

Behơ̆ tŭ do tòmpà tĕ ù tiah do sin jơi bơtiàn in mơ nggùl jơi bơtiàn Manase in nàng lơh gơs sre brê.”

Jôsue 14:4

Bơh jơi bơtiàn Jôsep gơs bàr jơi bơtiàn la Manase mơ Epraim; mơ cau Lebi ò geh pơnah sre brê tòm lơgar, mìng geh ală ƀòn dờng nàng ơm, bal mơ ƀlàng ñhơt ală mpồl belàt mơ phan poan jơng bol khai dê.