Sơnròp Gơlik Gơs 48:19 - Sră Goh 2018

¹⁹ Mơya bèp khai ò bài mơ đơs lah: “Añ git, ơ kòn, añ git. Khai rơp gơlik gơs dô nơm làng bol, khai kung rơp gơs dờng, mơya oh khai kung rơp gơs dờng rlau, mơ jơi bơtiàn khai dê rơp gơlik gơs oă ngan làng bol.”

Sơnròp Gơlik Gơs 48:19 ပူးပေါင်းရင်းမြစ်များ

Sơnròp Gơlik Gơs 17:4

“Do, đah mơ Añ, Añ neh lơh bơta ho bal mơ mê, mê rơp gơlik gơs bèp oă làng bol dê.

Sơnròp Gơlik Gơs 25:23

Yàng Jehôwa ho lah: “Bàr nơm lơgar ơm tòm kơndul ai, mơ bàr làng bol rơp lik bơh kơndul ai, làng bol do pràn rlau mơ làng bol ne, mơ cau bi rơp kong duh broă cau oh.”

Sơnròp Gơlik Gơs 25:28

Isak kòñ gơboh Esau, bơh khai kòñ sa poac phan brê, mơ Rebeka kòñ gơboh Jakôp.

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 46:3

Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

Sơnròp Gơlik Gơs 48:14

Israel ai tê ma khai dê mơ ƀư hơđang bồ Epraim kòn oh, ai tê kiau khai ƀư hơđang bồ Manase. Khai gơs dô bơta kơlôi is mơ ƀư tê behơ̆, tài bơh Manase la cau bi.

Sơnròp Gơlik Gơs 48:18

Gen Jôsep đơs mơ bèp lah: “Ò di behơ̆, ơ bèp, oh do la kòn tơnhoa, ƀư tê ma bèp hơđang bồ khai dê.”

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Ejekiel 27:10

Cau Persia, cau Lidi, cau Libi, lơh gơs cau ling tòm mpồl ling mê dê, bol khai yồng khèl mơ sơgơn lòs bol khai dê di ală dơrñang mê dê, lơh mê in gơcrà hàng mơnĕ.

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Yal Wơl 33:17

Tòm bơta ryŭ ryơm gen khai kung be dô nơm kơnrồ dam tơnhoa; ală ngke khai dê la ală ngke dô nơm kơnrồ dam brê. Kơnòm di ală ngke, khai gĕ ală làng bol, bơtrơh bol khai tus di ală làng bol ơm tòm ală tiah lồi dut plai ù. Hơ̆ la jơt rbô Epraim dê; hơ̆ la rbô Manase dê.”

Yal Tơlik 7:6

Tòm jơi bơtiàn Aser dê, jơt bàr rbô nă; Tòm jơi bơtiàn Neptali dê, jơt bàr rbô nă; Tòm jơi bơtiàn Manase dê, jơt bàr rbô nă;

Yal Tơlik 7:8

Tòm jơi bơtiàn Jebulun dê, jơt bàr rbô nă; Tòm jơi bơtiàn Jôsep dê, jơt bàr rbô nă; Tòm jơi bơtiàn Benjamin dê, jơt bàr rbô nă geh tap ƀang kì.