Sơnròp Gơlik Gơs 48:15 - Sră Goh 2018

¹⁵ Gen khai ai lơngai Jôsep mơ lah: “Dan Yàng Tom Trồ ồng pàng añ jê la Abraham mơ Isak neh duh khoai, la Yàng Tom Trồ neh ròng gàr añ bơh tŭ deh jơl tus di ngai do,

Sơnròp Gơlik Gơs 48:15 ပူးပေါင်းရင်းမြစ်များ

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

Hebrơ 11:21

Bơh bơta dòn Jakôp, tòm tŭ mòr chơt, ai lơngai bàr nă kòn klau Jôsep in, sơnđìng să khai di gai jra mơ duh khoai.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Esai 33:16

Bol khai rơp ơm tòm tiah jơnhoa; tiah kìng crŭ bol khai dê tòm tiah kơp gàr hơđang pơnai lŭ klềr; phan sa bol khai dê rơp geh ai bơtơl, mơ dà hùc bol khai dê rơp ò tŭ lơi siơ̆u.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Cau Bơto 6:7

Jơh ală kòn mơnus kong lơh broă bòl glar bơh bơr he, bơta hàm kòñ ò hừh nùs.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 5:12

Bơta bic lơhă cau lơh broă bòl glar dê, bulah khai sa dô êt hala oă; mơya bơta sa hùc oă cau pas sơm dê, rơp ò lòi bol khai in bic lơhă.

Đơs Crih 37:3

Dòn kơnòm tĕ di Yàng Jehôwa mơ lơh bơta niam; Gen mê rơp ơm tòm lơgar mơ geh Kơnràñ sền gàr.

Đơs Crih 23:1

Yàng Jehôwa la Bơtau ê gàr añ be cau ê belàt; añ rơp ò siơ̆u phan lơi ò.

Đơs Crih 16:8

Añ òs lòi Yàng Jehôwa ơm di đap añ; Añ ò gơs tŭ lơi wañ lơnggơh, tài bơh Kơnràñ ơm đah ma añ.

I Ală Bơtau 3:6

Salômôn ho lah: “Yàng neh yal tơlik bơta kòñ gơboh kơ̆ dơn dờng ngan gơwèt mơ cau duh broă Kơnràñ la Dabit bèp añ, tài bơh khai neh lơh lòt di đap Kơnràñ dô bă dòn song, mơ gơs nùs song ring mơ song ngan; mơ Kơnràñ neh prap khai in bơta kòñ gơboh kơ̆ dơn dờng hơ̆, mơ neh ai khai in dô nă kòn klau nàng nggui hơđang sơbàn khai dê tòm ngai do.

Yal Wơl 33:1

Do la bơta lơngai mơ Môise cau Yàng Tom Trồ dê neh ai lơngai cau Israel in lài mơ tŭ khai chơt.

Sơnròp Gơlik Gơs 49:28

Ală cau hơ̆ rơp la jơt bàr jơi bơtiàn Israel dê, mơ hơ̆ la ală jơnau bèp bol khai neh đơs tòm tŭ ai lơngai bol khai in, kòp nă dô bơta lơngai is.

Sơnròp Gơlik Gơs 49:24

Khai kơnòm di tê Bơtau Gơnap Gơnoar Làm Jơh Jakôp dê, Gen àtak khai gam kơ̆ sùm. Kơnòm di Bơtau Ê Belàt, la Pơnai Lŭ Israel dê. Mơ bàr nơm tê khai gam sơrbac sơrbang sùm.

Sơnròp Gơlik Gơs 48:16

cau gơnrơh neh dong añ klàs bơh di jơh ală bơta iơh, dan ai lơngai bàr nă kòn do in mơ bol khai gơs tơrbŏ sơnđan jat añ mơ ồng pàng añ la Abraham mơ Isak, mơ ai bol khai in gơlik gơs rơ̆sơmpài ràipơjềng hơđang ù.”

Sơnròp Gơlik Gơs 28:22

Pơnai lŭ mơ añ neh bơtào lơh jrong rơp la hìu Yàng Tom Trồ, mơ tòm jơh ală phan Kơnràñ rơp ai añ in, añ rơp ơn wơl dô pơnah jơt.”

Sơnròp Gơlik Gơs 28:20

Mơ Jakôp ho lah: “Dilah Yàng Tom Trồ ơm bal mơ añ, sền gàr añ tòm tŭ añ lòt gùng, ai añ in piang sào ào soh,

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 27:4

lơh phan sa bơkah jat be añ kòñ sa, gen yò añ in sa, nàng hwềng soàn añ ai lơngai mê in lài mơ tŭ añ chơt.”

Sơnròp Gơlik Gơs 24:20

Cau ơruh sơrbac sơrbang tuh dà yang tòm bòng gen ntoat tus di tơrlung bơ̆ dà tai ai jơh ală làkđa in hùc.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

Lik Ejiptơ 3:16

Lòt tĕ, pơjum tơrgòm ală cau kwang kra Israel dê, mơ đơs mơ bol khai lah: “Yàng Jehôwa ồng pàng bol mê dê la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ añ mơ đơs lah: ‘Añ neh wèt sền di bol mê, mơ neh gŏ ñchi bơta bol khai neh lơh di bol mê tòm lơgar Ejiptơ.

Lik Ejiptơ 4:5

Yàng Jehôwa đơs lah: “Hơ̆ nàng lòi bol khai in dòn lah Jehôwa Yàng Tom Trồ ồng pàng bol khai dê, la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ mê.”

I Yal Yau 5:1

Do la ală kòn klau Ruben dê. (Khai la kòn klau tơnhoa, mơya tài bơh khai neh lơh ƀơ̆ ƀơl cơnòng bic bèp khai dê gen gơnoar kòn tơnhoa khai dê neh ai ală kòn klau Jôsep la kòn Israel dê, behơ̆ tàng khai ò geh cih tòm sră cih sơnđan jơi bơtiàn jat be gơnoar kòn klau tơnhoa;

Sơnròp Gơlik Gơs 24:40

Cau tòmho lah: ‘Yàng Jehôwa la Bơtau mơ añ lòt di đap, rơp sồr cau gơnrơh lòt bal mơ mê, lơh gơlik gơs broă mê dê, mơ mê rơp tòmbau kòn klau añ in mơ dô nă cau ơruh tòm hìu nhă añ, mơ tòm hìu bèp añ.

Sơnròp Gơlik Gơs 27:27

Gen Jakôp tus rềp mơ cum khai. Isak rhềp ƀô ào kòn klau khai dê, gen ai lơngai khai in mơ đơs lah: “Do, ƀô nhơm kòn klau añ, Kung be ƀô bơh ƀlàng mơ Yàng Jehôwa neh ai lơngai;

Sơnròp Gơlik Gơs 35:3

Gen bol hi ñă, lòt tus hơ Betel, tềng hơ̆ añ rơp lơh dô nơm cơnòng duh khoai Yàng Tom Trồ in, la Bơtau neh ho jơnau añ dan, tòm tŭ añ tìp bơta bòl glar, mơ neh ơm bal mơ añ tòm tŭ lòt gùng.”

Sơnròp Gơlik Gơs 49:22

Jôsep la dô nơm ntê chi bềng plai, ntê chi bềng plai hòn rềp di hiòng dà, Ală ntê gơ gơtơƀă đah ne dơrñang.