Sơnròp Gơlik Gơs 48:14 - Sră Goh 2018

¹⁴ Israel ai tê ma khai dê mơ ƀư hơđang bồ Epraim kòn oh, ai tê kiau khai ƀư hơđang bồ Manase. Khai gơs dô bơta kơlôi is mơ ƀư tê behơ̆, tài bơh Manase la cau bi.

Sơnròp Gơlik Gơs 48:14 ပူးပေါင်းရင်းမြစ်များ

Sơnròp Gơlik Gơs 41:51

Jôsep sơnđan kòn tơnhoa khai dê la Manase bơh khai đơs lah: “Yàng Tom Trồ neh lơh añ in hŭi bơta bòl glar, mơ jơh hìu nhă bèp añ jê.”

Sơnròp Gơlik Gơs 41:52

Khai sơnđan kòn dơ̆ bàr la Epraim, bơh khai đơs lah: “Yàng Tom Trồ lơh añ in gơlik gơs pas sơm tòm lơgar añ kong bòl glar.”

Sơnròp Gơlik Gơs 46:20

Jôsep neh gơs kòn klau tòm Ejiptơ la Manase mơ Epraim, mơ Asenat, kòn ùr Pôtiphera, cau gơnoar ơn phan duh khoai ƀòn Ôn dê, neh deh khai in.

Sơnròp Gơlik Gơs 48:13

Gen Jôsep lam bàr nă kòn tus rềp mơ bèp, tê ma Jôsep lam Epraim tus hơ đah kiau Israel dê, mơ tê kiau tề Manase tus hơ đah ma Israel dê.

Sơnròp Gơlik Gơs 48:17

Mơya Jôsep gŏ bèp khai ƀư tê ma hơđang bồ Epraim gen khai ò niam nùs, mơ khai tă tê bèp neh ƀư bồ Epraim nàng ơn wơl di bồ Manase.

Sơnròp Gơlik Gơs 48:18

Gen Jôsep đơs mơ bèp lah: “Ò di behơ̆, ơ bèp, oh do la kòn tơnhoa, ƀư tê ma bèp hơđang bồ khai dê.”

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Đơs Crih 118:16

Tê ma Yàng Jehôwa dê geh yò tơngguh hơđang, Tê ma Yàng Jehôwa dê neh lơh broă pràn kơldang!”

Lik Ejiptơ 15:6

Ơ Yàng Jehôwa! Tê ma Kơnràñ dê gơs gơnap gơnoar gơklŏ ngan. Ơ Yàng Jehôwa! Tê ma Kơnràñ dê tơnlề cau sò tơm.

Khà Làng Bol 2:18

Đah mattơngai mut rơp gơs ală mpồl sàl Epraim dê hơđơm bồng bi bol khai dê. Cau at bồ làng bol Epraim la Elisama kòn klau Ammihut.

Khà Làng Bol 8:10

Mê pal cèng ală cau Lebi tus di đap Yàng Jehôwa mơ ală cau Israel pal ơn tê bol khai dê hơđang bol hơ̆.

Khà Làng Bol 8:18

Mơ Añ neh ai ală cau Lebi ala jơh ală kòn klau tơnhoa tòm Israel.

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Mathiơ 19:13

Tŭ hơ̆ cau cèng ală kơnòm dềt tus hơ Yàng Jesu, nàng Kơnràñ ơn tê hơđang bol khai mơ hòi dan bol khai in, mơya ală cau bơtê lah pơrhơng ală cau cèng hơ̆.

Mathiơ 19:15

Kơnràñ ơn tê hơđang bol khai, gen lik lòt bơh tềng hơ̆.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Luka 13:13

Kơnràñ ơn tê di să khai, chòp khai ntào song mo mơ jòng ro Yàng Tom Trồ.

Luka 4:40

Tòm tŭ mattơngai rơp mut, cau lơi gơs cau kòp, bulah bơta kòp jê lơi, gen cèng tus hơ Kơnràñ; Kơnràñ ơn tê hơđang kòp nă cau mơ sơmbòi bol khai in.

Broă 13:3

Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Broă 6:6

Bol khai tơlik mat poh nă cau hơ̆ di đap ală cau gơnoar bơto dờng, gen ală cau gơnoar bơto dờng hòi dan mơ ơn tê hơđang ală cau hơ̆.

Yal Wơl 34:9

Mơ tai, Jôsue kòn klau Nun dê neh geh bềng lìu hwềng bơta jak chài dê tài bơh Môise neh ơn tê hơđang khai. Behơ̆ ală cau Israel neh iat jơnau khai mơ neh lơh jat bơta Yàng Jehôwa neh sồr Môise.

I Timôthe 4:14

Bañ sang lòi bơta nđàc tòm mê, la bơta nđàc kơnòm di jơnau gơnoar hwơr, mơ bơta ơn tê mpồl cau kra dê neh ai mê in.

I Timôthe 5:22

Bañ sơrbac sơrbang ơn tê hơđang cau lơi, bañ ƀư di broă tồi glài cau ndai dê, kơrmap tĕ să he sàng goh.