Sơnròp Gơlik Gơs 47:9 - Sră Goh 2018

⁹ Jakôp ho lah: “Ală nam añ kis ing tòm dunnia do la dô rhiang pe jơt nam. Ală nam rài kis añ jê la liah mơ bòl glar lơm, ò di be ală nam mò pàng añ jê tòm tŭ bol khai kis tòm dunnia do.”

Sơnròp Gơlik Gơs 47:9 ပူးပေါင်းရင်းမြစ်များ

Sơnròp Gơlik Gơs 11:11

Tơnơ̆ mơ tŭ Sem tơnggơs Arpaksat rau, khai gam kis pram rhiang nam tơnggơs kòn klau kòn ùr.

Sơnròp Gơlik Gơs 35:28

Rài kis Isak dê la dô rhiang phàm jơt nam.

Sơnròp Gơlik Gơs 47:28

Jakôp ơm tòm lơgar Ejiptơ jơt poh nam. Behơ̆ khai kis dô rhiang poan jơt poh nam.

Sơnròp Gơlik Gơs 47:8

Pharaôn lùp Jakôp lah: “Mê neh kis nđò nam rau taih?”

Sơnròp Gơlik Gơs 5:27

Behơ̆ Metusela kis sin rhiang prau jơt sin nam, gen chơt.

Sơnròp Gơlik Gơs 50:26

Gen Jôsep chơt, khai kis dô rhiang jơt nam. Cau bong sơnơm ò ồm ƀồc Jôsep, mơ ơn tòm dô nơm bòng tòm lơgar Ejiptơ.

I Yal Yau 29:15

Bol hi la cau làng bơdìh mơ cau ơm ing di đap mat Kơnràñ, kung be jơh ală ồng pàng bol hi dê. Ală ngai bol hi dê hơđang ù la kung be dô nơm mƀur, ò gơs bơta gơn kơnòm.

Sră Jop 14:1

“Kòn mơnus deh bơh cau ùr, kis tòm dô êt ngai, bềng lìu bơta bòl glar.

Đơs Crih 119:19

Añ la cau ơm ing tòm dunnia, Dan Yàng bañ pồn ndơp bơh di añ ală bơta sồr lam Kơnràñ dê.

Đơs Crih 119:54

Ală jơnau sồr Yàng dê neh gơlik gơs bơta đơs chò añ jê tòm hìu ơm ing añ jê.

Đơs Crih 39:12

Ơ Yàng Jehôwa, dan iat jơnau hòi dan añ jê, ai tồr iat jơnau rac dan añ jê; Dan bañ ơm mŏ mŏ tòm tŭ añ hòr dà mat! Bơh añ la cau nac tòm hìu Yàng dê, Cau ơm ing be jơh ală ồng pàng añ jê.

Đơs Crih 39:13

Dan bañ sền trol di añ nàng añ ñŏ chò hòp wơl, Lài mơ tŭ añ lòt thit, mơ añ ò gam tai.”

Đơs Crih 39:5

Ne, Yàng lơh ală ngai añ jê dô êt kàr mpàng tê, Mơ rài kis añ jê be ò gơs phan lơi di đap Kơnràñ. Ngan, rài kis kòp nă dê la kung be mìng dô dơ̆ tă nhơm! (Selah)

Lik Ejiptơ 6:4

Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih.

Lik Ejiptơ 7:7

Tòm tŭ bol khai đơs mơ Pharaôn, gen Môise neh phàm jơt nam, mơ Arôn phàm jơt pe.

II Kôrintô 5:6

Behơ̆ bol he kơ̆ nùs sùm sùm, bơh git lah tòm tŭ bol he gam ơm tòm să jan do gen ngài bơh hìu Yàng,

Yal Wơl 34:7

Môise neh dô rhiang bàr jơt nam tòm tŭ khai chơt, bulah behơ̆ mat khai ò lu li bơta pràn kơldang khai dê ò roh.

Hebrơ 13:14

Bơh tềng do bol he ò gơs ƀòn dờng gam gơs sùm, mơya bol he jòi ƀòn rơp tus.

Jakơ 4:14

Mơya oh mi ò git ngai hìng rơp gơlik be lơi! Bơta kis oh mi dê la ñchi taih? Bơh oh mi be dà tŭ, gơlik tòm dô êt jŏ gen roh thit.

Jôsue 24:29

Tơnơ̆ mơ ală bơta hơ̆, Jôsue kòn klau Nun, cau duh broă Yàng Jehôwa dê, chơt tòm tŭ neh dô rhiang jơt sơnam.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.