Sơnròp Gơlik Gơs 47:16 - Sră Goh 2018

¹⁶ Jôsep đơs lah: “Dilah jơh jền priă rau, ai tĕ phan poan jơng bol mê dê, gen añ rơp tòmgơl mơ kòi phe.”

Sơnròp Gơlik Gơs 47:16 ပူးပေါင်းရင်းမြစ်များ

Sơnròp Gơlik Gơs 47:15

Tòm tŭ jền priă tòm lơgar Ejiptơ mơ lơgar Kanaan neh jơh, gen jơh làng bol Ejiptơ tus hơ Jôsep mơ đơs lah: “Dan ai bol hi in kòi phe, ñchi bơh tài bol hi pal chơt di đap kơnràñ, tài bơh jền priă bol hi dê neh jơh ơ?”

Sơnròp Gơlik Gơs 47:17

Chòp làng bol lam ală phan poan jơng ai Jôsep in; Jôsep ai kòi phe tòmgơl mơ ơseh, mpồl belàt, mpồl kơnrồ mơ alàng. Nam hơ̆ khai khòm jơh ală phan poan jơng bol hơ̆ dê, tòmgơl mơ kòi phe.

Jơnau Pơnđik 12:17

Cau lơi đơs song, bơto yal bơta song ring; Ai cau lơh cơng ma blac yal tơlik bơta blac chừt.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.