Sơnròp Gơlik Gơs 46:3 - Sră Goh 2018

³ Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

Sơnròp Gơlik Gơs 46:3 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 15:13

Yàng Jehôwa đơs mơ Abram lah: “Mê git tĕ nền lah jơi bơtiàn mê rơp ơm ing tòm dô nơm lơgar ò di bal mơ bol khai, lơh dĭ làng bol hơ̆ in mơ kong bol khai rồn bơklơn tòm poan rhiang nam.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 47:27

Behơ̆, Israel ơm tòm lơgar Ejiptơ, tòm kơnhwàl Gôsen, lơh gơs sre brê tòm tềng hơ̆, gơlik cồng nha rơ̆sơmpài ràipơjềng.

Sơnròp Gơlik Gơs 48:16

cau gơnrơh neh dong añ klàs bơh di jơh ală bơta iơh, dan ai lơngai bàr nă kòn do in mơ bol khai gơs tơrbŏ sơnđan jat añ mơ ồng pàng añ la Abraham mơ Isak, mơ ai bol khai in gơlik gơs rơ̆sơmpài ràipơjềng hơđang ù.”

Sơnròp Gơlik Gơs 48:19

Mơya bèp khai ò bài mơ đơs lah: “Añ git, ơ kòn, añ git. Khai rơp gơlik gơs dô nơm làng bol, khai kung rơp gơs dờng, mơya oh khai kung rơp gơs dờng rlau, mơ jơi bơtiàn khai dê rơp gơlik gơs oă ngan làng bol.”

Lik Ejiptơ 1:12

Mơya sơlo bol khai kong rồn bơklơn, sơlo bol khai gơbơtơl oă mơ gơlik lìu làc làm bă tiah; behơ̆ gen cau Ejiptơ kơlôi rngòt di cau Israel,

Lik Ejiptơ 14:13

Môise ho wơl mơ làng bol lah: “Bañ rngòt, ntào kơ̆ tĕ mơ sền gŏ bơta dong tă Yàng Jehôwa dê rơp lơh gơlik gơs bol mê in tòm ngai do. Cau Ejiptơ mơ bol mê neh gŏ tòm ngai do gen bol mê rơp ò gơs tŭ lơi gŏ bol khai tai.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Jeremi 40:9

Gedalia, kòn klau Ahikam, sau Saphan, ngui jơnau srat să ho nền mơ ală cau hơ̆ bal mơ ală cau mơ bol khai lah: “Bañ rngòt duh broă cau Kalde; ơm tĕ tòm lơgar mơ duh broă bơtau Babilôn, gen rơp gơs niam bol mê in.

Broă 27:24

mơ đơs lah: ‘Ơ Pol, bañ rngòt, mê pal lòt tus ntào di đap Sesa, mơ do, Yàng Tom Trồ neh ai mê in jơh ală cau hào ơhò bal mơ mê.’

Broă 7:17

Tòm tŭ mòr tus di tŭ tơngai Yàng Tom Trồ lơh gơlik gơs di ngan jơnau ho pơgon mơ Abraham, khà làng bol kư̆ tơnggơs bơtơl rơ̆sơmpài ràipơjềng tòm lơgar Ejiptơ,

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Yal Wơl 10:22

Ntum khà jơh ală ồng pàng bol mê dê neh mù tòm Ejiptơ la poh jơt nă, mơ tŭ do Jehôwa Yàng Tom Trồ bol mê dê neh lơh bol mê in gơlik gơs gal ngan kung be ală sơmañ hơđang trồ.

Yal Wơl 26:5

Lồc behơ̆, bol mê rơp yal tơlik di đap Jehôwa Yàng Tom Trồ bol mê dê lah: “Ồng pàng bol hi dê la dô nă cau Aram lòt bơh tiah do tus tiah ne, mơ khai neh mù hơ Ejiptơ bal mơ dô êt nă cau ơm tềng hơ̆ mơ neh gơlik gơs dô nơm làng bol dờng, gơs gơnoar pràn mơ gơs oă cau.