Sơnròp Gơlik Gơs 45:5 - Sră Goh 2018

⁵ Tŭ do, bañ kơlôi moat jrùng, mơ kung bañ gơjrañ di să tòm ală bi bơh ală bi neh tac añ tus hơ lơgar do, bơh Yàng Tom Trồ neh sồr añ lòt tus tềng do lài mơ ală bi nàng sền gàr bơta kis ală bi dê.

Sơnròp Gơlik Gơs 45:5 ပူးပေါင်းရင်းမြစ်များ

Sơnròp Gơlik Gơs 37:28

Mơ dơ̆ ală cau kă bro Midian lòt gan, ală bi tă tơngguh Jôsep bơh tơrlung dà, mơ tac khai bàr jơt pet priă mơ cau Ismael, gen bol hơ̆ cèng khai hơ lơgar Ejiptơ.

Sơnròp Gơlik Gơs 47:25

Làng bol đơs lah: “Kơnràñ neh dong bol hi in kis, dan bol hi in geh niam nùs kơnràñ, gen bol hi rơp lơh dĭ Pharaôn in.”

Sơnròp Gơlik Gơs 50:19

Jôsep đơs lah: “Ală bi bañ rngòt, bơh añ ala Yàng Tom Trồ ơ?

Sơnròp Gơlik Gơs 50:20

Ală bi kòñ lơh iơh di añ, mơya Yàng Tom Trồ lơh wơl bơta kwơ añ in, nàng sền gàr bơta kis oă làng bol in, kung be neh gơlik gơs ngai do.

Sơnròp Gơlik Gơs 50:21

Behơ̆, bañ rngòt, añ rơp ròng ală bi mơ kòn sau ală bi dê.” Gen Jôsep pơndòm pơniang ală bi mơ đơs jơnau lơbơn niam mơ bol khai.

II Samuel 12:12

Mê neh lơh bơta hơ̆ dô bă ndơp ndơr, mơya Añ rơp lơh bơta do di đap Israel tòm trồ ngai.’”

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

Este 4:14

Bơh dilah ai ơm mŏ mŏ tòm tŭ gơs bơta be do, gen bơta dong kòl mơ dong tă rơp tơngguh làng bol Israel in bơh đah ndai, mơya ai mơ hìu nhă bèp ai dê rơp kong roh rui. Mơ ñcau rgơi git taih? Digơlan ai geh gơlik bau ùr bơtau ò di la tài bơh dô tŭ tơngai be do ò ơ?”

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

II Kôrintô 2:11

tồ cà Satan in ò geh pha lin mơ bol he, bơh bol he git kai lac lèo gơ dê.

II Kôrintô 2:7

gơpơrlơ̆ wơl chan toh glài khai mơ pơndòm pơniang khai, rngòt khai gơplơ̆ nùs bơh bơta moat jrùng dờng ngan mòn.

Philemôn 1:15

Digơlan bơh bơta do tàng khai neh ơm ngài ing mơ bi nàng bi in dòp rò khai ơm sùm sùm,

I Samuel 1:19

Àng drim hìng, bol khai guh gòñ mơ duh khoai di đap Yàng Jehôwa, gen bol khai rê wơl hơ hìu bol khai dê tòm Ramathaim. Elkana ơm bal mơ bau khai la Anne, mơ Yàng Jehôwa kah wơl Anne.