Sơnròp Gơlik Gơs 42:9 - Sră Goh 2018

⁹ Jôsep kah wơl bơta mpau khai neh gŏ bơh bol hơ̆, gen đơs mơ bol khai lah: “Bol mê la cau rwang lơgar tus nàng sền ală tiah lơbơn òsô tòm lơgar do.”

Sơnròp Gơlik Gơs 42:9 ပူးပေါင်းရင်းမြစ်များ

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Sơnròp Gơlik Gơs 42:16

Sồr tĕ dô nă cau tòm bol mê rê nàng rò oh put bol mê tus hơ do mơ ală bol mê pal ơm jàm tềng do. Añ pal lòng jơnau ală bol mê gen behơ̆ añ rơp git bol mê đơs ngan hala ò. Dilah ò đơs song, gen añ ai bơta kis Pharaôn mơ srat să lah, ală bol mê ngan la cau rwang lơgar.”

Sơnròp Gơlik Gơs 42:34

mơ lam tĕ oh put tus hơ̆ añ; behơ̆ añ git ală bol mê ò di la cau rwang lơgar mơya la cau song. Añ rơp ai wơl oh bol mê in, mơ ală bol mê rơp kă bro tòm lơgar do.’”

II Samuel 10:3

ală kwang at bồ cau Ammôn đơs mơ Hanun, cau tòm bol khai dê lah: “Ồng kơlôi ngan lah Dabit sồr ală cau tus mơ ồng nàng tòmpà bơta moat jrùng la tài bơh khai ki ngàm di bèp ồng dê ơ? Dabit ò di neh sồr bol khai tus hơ ồng nàng sền sơwì ƀòn dờng mơ rwang còp gơ nàng phà tơnroh gơ ò ơ?”

Lik Ejiptơ 32:35

Mơ Yàng Jehôwa đùh bơta kòp jê pluh plàng nàng lơh glài làng bol tài bơh bơta bol khai neh lơh mơ rùp kơnrồ kòn mơ Arôn neh mòn gơs.

Khà Làng Bol 13:2

“Sồr tĕ dô êt nă cau klau lòt rwang sền lơgar Kanaan la lơgar Añ ai cau Israel in. Bơh di kòp jơi bơtiàn, mê sồr tĕ dô nă tòm ală cau kwang at bồ bol khai dê.”

Luka 20:20

Bol khai kơp sền Kơnràñ, loă sồr cau sền òm lơh blac be cau song, tồ kup Kơnràñ tòm jơnau đơs, nàng bơtào Kơnràñ tòm tê kwang bàng mơ cau kwang đơng lơgar.

Hebrơ 11:31

Bơh bơta dòn cau ùr dri Rahap ò roh rui bal mơ ală cau ò dòn bơr, bơh khai neh wă rò dô bă sơrmah sơrmài ală cau lòt rwang sền lơgar.

Jôsue 2:1

Gen Jôsue kòn klau Nun dê, sồr bàr nă cau bơh Sittim lòt sền òm lơgar, mơ đơs lah: “Lòt tĕ sền òm làm lơgar, oă rlau jơh la Jerikô.” Behơ̆, bol khai lòt mơ mut tòm hìu dô nă cau ùr dri, sơnđan la Rahap mơ ơm mang tềng hơ̆.

Jôsue 6:23

Behơ̆ bàr nă cau pơnu neh lòt sền òm lơgar mut tòm hìu mơ lam Rahap lik bal mơ mè bèp oh mi mơ jơh ală cau bal mơ khai. Bol khai lam jơh ală cau tòm hìu nhă Rahap mơ ơn bol khai hơ bơdìh sàl Israel dê.

Ală Kwang Cahrña 1:24

Ală cau sền rwang lơgar gŏ dô nă cau klau lik bơh ƀòn dờng gen bol khai đơs mơ khai lah: “Dan sơnio bol hi in gùng mut tòm ƀòn dờng, gen bol hi rơp gơwèt niam mơ mê.”

I Samuel 26:4

gen khai sồr cau lòt sền òm mơ git ngan la Sol neh tus.