Sơnròp Gơlik Gơs 42:6 - Sră Goh 2018

⁶ Mơ tai, Jôsep at bồ lơgar hơ̆; khai tac kòi jơh ală làng bol lơgar in. Mơ ală bi Jôsep dê tus tơmbic să di đap khai.

Sơnròp Gơlik Gơs 42:6 ပူးပေါင်းရင်းမြစ်များ

Sơnròp Gơlik Gơs 18:2

Abraham pò mat gŏ pe nă cau klau ntào di đap khai. Dơ̆ khai gŏ gen ntoat tus di đap pe nă cau hơ̆ mơ tơmbic să tòm ù,

Sơnròp Gơlik Gơs 19:1

Tus dê mho, bàr nă cau gơnrơh tus hơ Sôdôm mơ Lot ơm nggui di mpồng ƀòn. Dơ̆ Lot gŏ bol hơ̆ gen khai ñă lòt rò mơ tơmbic să di ù.

Sơnròp Gơlik Gơs 33:3

Ai khai lòt lài mơ bol hơ̆ mơ tơmbic să poh dơ̆ jơl tus di khai tus rềp mơ bi khai.

Sơnròp Gơlik Gơs 41:43

Gen cau bơtau ai khai in nggui tòm rơndeh tơnơ̆ mơ rơndeh cau bơtau, gơs cau lòt lài mơ driau lah: “Cùn gơltang tĕ!” Behơ̆, Pharaôn pồ bơtào Jôsep gơs gơnoar tòm làm jơh lơgar Ejiptơ.

Sơnròp Gơlik Gơs 41:54

Gen sơntòm poh nam jơgloh rung, be jơnau Jôsep neh đơs bơh lài. Jơh ală lơgar ndai kung gơs bơta jơgloh lơm mơya làm lơgar Ejiptơ gơs phan sa.

Sơnròp Gơlik Gơs 41:57

Mơ làm jơh ală lơgar lòt tus hơ Ejiptơ nàng pơl kòi mơ Jôsep, tài bơh gơs bơta jơgloh rung ngan tòm làm dunnia.

Sơnròp Gơlik Gơs 44:14

Juda mơ ală oh mi khai dê mut tòm hìu Jôsep, khai gam ơm tềng hơ̆; chòp bol hơ̆ tơmbic să di đap khai.

Sơnròp Gơlik Gơs 45:26

Bol khai yal wơl mơ bèp lah: “Jôsep gam kis, mơ să tòm khai at bồ jơh lơgar Ejiptơ.” Mơ nùs Jakôp ò gơjal bơh khai ò dòn jơnau bol khai yal wơl.

Sơnròp Gơlik Gơs 45:8

Ò di la ală bi neh pơyoa añ tus hơ do ò, hơ̆ la Yàng Tom Trồ. Kơnràñ neh ai añ in gơs bèp Pharaôn dê, at bồ jơh hìu nhă khai, mơ at bồ làm jơh lơgar Ejiptơ.

Sơnròp Gơlik Gơs 48:12

Jôsep lam bol khai lik bơh di gơltang bèp khai dê, gen tơmbic să di ù.

Jơnau Pơnđik 11:26

Cau lơi pồn prap kòi mbo, kong làng bol srat rma; Mơya bơta lơngai mù hơđang bồ cau tac gơ.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.

I Samuel 20:41

Tơnơ̆ mơ tŭ cau kơnòm neh lòt rau, Dabit ñă bơh di đah hơđơm pơnai lŭ mơ tơmbic să pe dơ̆ di đap Jônathan, blup mat tòm ù. Gen bol khai tòmkoar mơ gơp mơ ñìm bal, mơya Dabit ñìm oă rlau.