Sơnròp Gơlik Gơs 42:22 - Sră Goh 2018

²² Ruben đơs lah: “Añ neh đơs mơ bol mê lah: Bañ lơh tìs glài mơ oh hơ̆ sơl ơ? Mơya bol mê ò iat, gen tàng tŭ do bol he pal tơm wơl mhàm khai dê.”

Sơnròp Gơlik Gơs 42:22 ပူးပေါင်းရင်းမြစ်များ

Sơnròp Gơlik Gơs 4:10

Yàng Jehôwa lùp: “Ñchi bơta mê neh lơh taih? Jơnau mhàm oh mê dê bơh tòm ù hòi tus hơ Añ.

Sơnròp Gơlik Gơs 42:23

Mơ Jôsep ngui dô nă cau sơpơ̆bơr nàng tòmbơhbơr mơ ală bi khai, gen tàng bol khai tồnlah Jôsep ò git wă jơnau đơs bol khai dê.

Sơnròp Gơlik Gơs 45:3

Jôsep yal mơ oh mi khai lah: “Añ la Jôsep. Bèp añ gam kis sơl?” Mơya di đap khai ală oh mi ò suk ơm, ò rgơi ho dô êt lơi.

Sơnròp Gơlik Gơs 50:15

Dơ̆ ală bi Jôsep gŏ bèp bol khai neh chơt rau, gen đơs bal mơ gơp lah: “Digơlan Jôsep rơp gơjrañ di bol he, mơ sal tê ală broă iơh bol he neh lơh khai in.”

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

I Ală Bơtau 2:33

Behơ̆ bơh mhàm bàr nă cau hơ̆ pal tơm wơl hơđang bồ Jôap bal mơ jơi bơtiàn khai dê jơl sùm sùm. Mơya đah mơ Dabit mơ jơi bơtiàn khai dê, hìu khai mơ sơbàn khai dê rơp geh bơta lơngap lơngai bơh Yàng Jehôwa gam sùm sùm.”

II Yal Yau 24:22

Bơtau Jôas ò kah bơta niam mơ Jehôyada bèp Sacari neh lơh khai in, mơya neh tơnchơt kòn klau khai dê; tòm tŭ gơpừ bic tòm tiah mòr chơt, khai đơs lah: “Dan Yàng Jehôwa sền gŏ bơta do mơ tơm wơl bol mê in jat bơta bol mê neh lơh.”

Đơs Crih 9:12

Bơh Bơtau sal wơl mhàm kah tus di ală cau bòl glar, Kơnràñ ò hŭi jơnau hòi dan rac ròc bol khai dê.

Ejekiel 3:18

Dilah Añ đơs mơ dô nă cau iơh bơsak lah: ‘Mê ngan rơp chơt,’ mơ mê ò bơto pơhìn khai hala đơs mơ khai nàng bơto kơryan khai bơh di ală gùng iơh khai dê tồ dong klàs bơta kis khai dê, gen cau iơh bơsak hơ̆ rơp chơt bơh tồi glài khai dê; mơ Añ rơp kup mê kong glài bơh mhàm cau hơ̆.

Luka 23:41

Bol he kong be do la song ngan, bơh he kong sal wơl tòm toh be broă he lơh, mơya cau do ò lơh dô bơta lơi tìs ò.”

Broă 28:4

Cau ơm tòm tiah hơ̆ gŏ bơs gơyồng lùi pùi di tê khai, gen đơs bal mơ gơp lah: “Ngan cau do la cau tơnchơt cau, gen tàng bulah neh geh dong klàs bơh dàlềng rau, mơya bơta song ring ò bài lòi khai in kis.”

Rôma 2:15

Bol khai yal tơlik loh lah broă bơta boh lam dê neh cih tòm nùs bol khai, nùs tồr bol khai dê kung lơh cơng bơta do la ngan, ai bơta kơlôi bol khai dê ƀà cok glài he, ƀà tò să he.

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Yal Tơlik 16:9

Mơ ală cau kòl hur mơ ồs duh ngan, gen bol khai đơs tràl sơrbil di sơnđan Yàng Tom Trồ la Bơtau gơs gơnoar hơđang ală bơta rung rài hơ̆, mơ bol khai kung ò gơjrañ sang glài mơ ò jòng ro bơta dờng ryŭ Yàng Tom Trồ sơl.

I Samuel 19:4

Behơ̆ Jônathan đơs niam bơh Dabit mơ Sol bèp khai dê lah: “Cau bơtau bañ tìs glài tòmdră mơ Dabit; tài bơh khai ò lơh tìs tòmdră mơ bơtau; mơ bơh broă khai neh lơh la nàng duh broă niam bơtau dê.